A jo gróm, a jo gróm, a ci gupcy bótki dróm, 
A eszcze mi zapłacóm, jak podkówki potracóm.
 

1. Ach moja Mamulko, co je tej Anusi, jak jo na nie oczkym pozdrzym, óna płakać musi.
2. Nie płacz że ty o mie, ale sama o sie, dycki jo ci to powiadoł Anujś rosłónczmy sie.
3. A tyś sie mie jyła, jak woda kamiynia, ach, bodej by sie mi była, ziymia rosstómpiła.
 

1. Ach jo zasmucóno, coch sie doczakała, nastały smutne czasy,
Rok za rokiym idzie, wydać sie nie idzie, nie sóm to żodne szpasy,
(Rok po roku idzie precz, mie sie nie szykuje nic, 
Gdyby jyny prziszeł szykowny i szwarny, wszyjsko by to mógło być x 2).
2. A jo to cereczka s wysokigo rodu, mój Ojciec wybiyrczym był,
Pod płotym siodowoł, zza lymca wybiyroł, a na kamiyniu jich bjuł,
(Moja Matka kupcowa, kraiczki skupowała, 
A jo to cereczka po ojcu i matce wszyjstko to swerbowała x 2),
3. Po moi Maciczce zustały strzewice, jyny nortów ni miały,
Dwie pończoszki stare, zielóne i szare eszcze też potargane,
(Jak jo se to posbiyróm, a ty zocne rzeczy dóm,
Po Ojcu i Matce intabulyrować Lucyperóm jich rosdóm x 2).
 

1. A nie ta ptaszyna, co nad gajem siada, 
Ani ten kawaler co z obiema gada
(Prawda jest, prawda jest, 
Że ten mój syneczek szelma jest x ) 
2. Pójdym do karczmiczki, stanym wedle proga,
Mój miły tańcuje, nie boji sie Boga,
(Tańcuje, wywijo, szwarniejsze wybiyro, mie mijo x 2). 
3. Pójdym do karczmiczki, stanym wedle słupa,
Mój miły tańcuje krónfleczkami klupa,
(Klup, klup, klup ma miła, 
Uż sie nasza miłojś skóńczyła x 2). 
4. Przidym do dómeczku, siednym na łóżeczku,
I tak se rosmyślóm o mym kochaneczku,
(Ón prziszoł i burzi, moja kochaneczko otwórz mi x 2).

Solo:
5. Jeszczech jo takigo chłapca nie widziała,
Żebych jo ónymu dwiyrze otwiyrała,
(S kieróm żeś tańcowoł, 
Tóm se teraz bydziesz miłowoł x 2)
 

1. A w tym naśym zómku grajóm na cymbałku, (wszyjśtki dziywki podskakujóm, pojmy i my Janku x 2).
2. A wy pani Marto wyjście celym gładko, (łod niedziele do niedziele, jak ćyrwióne japko x 2)
3. Cera nie słuchała, chłapców łuwodzała, (łod niedziele do niedziele s muzykóm bywała x 2). 
4. Na jednej muzyce Janićka poznała, (tańcowali wywijali do biołego rana x 2). 

 

1. (A jak jo do wojska pójdym x 2), ((kómu cie miło x 2), kómu cie miło pozostawiym x 2)).
2. (Zustawiym cie moji Mamie x 2), ((Óna cie nigdy x 2), óna cie nigdy nie okłamie x 2)). 
3. (A jak z wojska powrócymy x 2),
(To w jednóm pore x 2) (To w jednóm pore się słónczymy x 2)).
 

1. A móm ci jo w masztali, w masztali, kóniczki kasztanki, 
(pojadym se, pojadym do swoji galanki x 2).
2. A jak jo tam przijadym, przijadym, óna w oknie stoji,
(A mojego kóniczka, kóniczka wodziczkóm napoji x 2). 
3. A potym sie bydymy, bydymy radzili we dwoje, 
(A za dziewiyńć miesiyncy bydzie nas uż troje x 2). 

 

1. Żyjym s gospodarki, uroda mi ginie, 
A ta moja staro rada chowie świnie,
Ene due rajne, fazole sóm fajne,
Ene due rajne fazole sóm fest!
2. S jednóm my też mieli pieróńskóm ostude,
Nic to żrać nie chciało, fórt to było chude,
Ene due rajne, fazole sóm fajne,
Ene due rajne fazole sóm fest! 
3. Staro do mie prawi zabijesz brzidoka,
Pujdziesz do Ostrawy, kupisz tam cycoka,
Ene due rajne, fazole sóm fajne,
Ene due rajne fazole sóm fest!
4. Jyny mi też nie zrób, jako łóńskóm zime,
Kiedyjś nawalóny leżoł we wierzbinie,
Ene due rajne, fazole sóm fajne,
Ene due rajne fazole sóm fest!
5. Jo ji nie posłuchoł, co óna tam wyje,
Jynych na nióm warknół, nagotuj pomyje,
Ene due rajne, fazole sóm fajne,
Ene due rajne fazole sóm fest!
6. Trzista korón w kapsie, jo cały dziwoki,
Jadym do Ostrawy kupować cycoki,
Ene due rajne, fazole sóm fajne,
Ene due rajne, fazole sóm fest!
7. Tak se s tym wózeczkym przez Ostrawe jadym,
Na rynkuch sie spotkoł s mojim kamaradym,
Ene due rajne, fazole sóm fajne,
Ene due rajne fazole sóm fest!
8. Ón stary kawałoch, witejże woźnico,
Dokónd że to jedziesz ty stary łopico,
Ene due rajne, fazole sóm fajne,
Ene due rajne fazole sóm fest!
9. Tóż my sie stawili do starej Salerki,
Kaj je fajne piwo i szwarne kelnerki,
Ene due rajne, fazole sóm fajne,
Ene due rajne fazole sóm fest!
10. Jak my sie sjawili w tej chrómskij putyce,
Jakisi chłop zaczón grac na harmónijce,
Ene due rajne, fazole sóm fajne,
Ene due rajne fazole sóm fest!
11. Też my se tam siedli w kóncie na dywanie,
Przi jakijsi starej usmarkanej Hanie,
Ene due rajne, fazole sóm fajne,
Ene due rajne fazole sóm fest!
12. Tak mie dorobiły ty chrómski łasice,
Dały sie mi napić samej szaracice,
Ene due rajne, fazole sóm fajne,
Ene due rajne fazole sóm fest!
13. A ta szaracica dała mi Jezusku,
Że mie mój kamarad musioł wiyźć na wózku,
Ene due rajne, fazole sóm fajne,
Ene due rajne fazole sóm fest!
14. Uż s daleka wołóm na mojóm Tereze,
Gotujcie pomyje cycoka wóm wiezie,
Ene due rajne, fazole sóm fajne,
Ene due rajne fazole sóm fest!
15. Tereska wybiygła woło na Maryje,
Łap dyszel od wózka i uż go nim bije,
Ene due rajne, fazole sóm fajne,
Ene due rajne fazole sóm fest!
16. Gdyby jo wiedziała jakoś ty je slywa,
Za to ty barabo pujdziesz spać do chlywa,
Ene due rajne, fazole sóm fajne,
Ene due rajne fazole sóm fest!
17. Do chlywa mie wcisła ta Tereza moja,
Nogóm żech zachoczył, szas pyskym do gnoja,
Ene due rajne, fazole sóm fajne,
Ene due rajne fazole sóm fest!
18. Gymba jako przetak, w kanale pazury,
Całóm noc mi lazły po pyszczysku szczury,
Ene due rajne, fazole sóm fajne,
Ene due rajne fazole sóm fest!
19. Tak mie dorobiły ty chrómski brzidoki,
Uż bych wiyncyj nie szoł kupować cycoki,
Ene due rajne, fazole sóm fajne,
Ene due rajne fazole sóm fest!
 

1. (Była jedna Dorota, s pobożnego żywota x 2).
2. (Szła óna przes pański dwór x 2).
3. (Chcesz Doroto mojóm być, chce ci cały świat służyć x 2).
4. (Oj jo nie chcym żodnego, móm Jezusa miłego x 2).
5. (Król sie na to rosgniywoł i na wojne pojechoł x 2). 
6. (Trzi roki tam wojowoł, a na sztworty przijechoł x 2).
7. (Gdy przejechoł przes wrota, żyje moja Dorota x 2).
8. (Żyje królu , oj żyje, nie jy ani nie pije x 2).
9. (Król sie na to rosgniywoł, do deja smażić doł x 2)
10. (Im dalij sie smażiła, to tym piekniejszóm była x 2). 
11. (Król sie na to rosgniywoł, katowi se wziónść kozoł x 2). 
12. (Nie byłach jo królowóm, nie bydym też katowóm x 2).
13. (Król sie na to rosgniywoł, katowi jóm ścióńć kozoł x 2). 
14. (Ścinej kacie, jak mosz ścióńć, bo uż tego było dojś x 2).
 

1. Beskidzie, Beskidzie, pieknie se poczynosz, 
(Szczytym siyngosz nieba, w doliny spoziyrosz x 2), hej!
2. Beskidzie, Beskidzie, cudno twoja krasa, 
(Wszyjskich nas urzyko i wszyjskich zapraszo x 2), hej! 
3. Beskidzie, Beskidzie, ty cudno kraino, 
(Dopóki ty stojisz, Gorole nie sginóm x 2), hej!
 

1. (Była miłojś uż ji ni ma x 2), (uż sie skryła do kamiynia x 2).
2. (A s kamiynio do paproci x 2), (Uż sie miłojś nie nawróci x 2).
3. (Ty listeczku dejowy x 2), (Nad tobóm mie głowa boli x 2). 
4. (Boli, boli, przebolała x 2), (Mój kochanek s inkszóm pije x 2). 
5. (Pije, pije sy mnóm nie chce x 2), (Ślubowoł mi że mie weźnie x 2). 
6. (Ślubowoł mi że mie weźnie x 2), (Jak pszyniczke s pola zerżnie x 2). 
7. (Zerżnóć, zerżnóć i owiesek x 2), (Ugrys żeś mie jako piesek x 2). 
8. (Ugrys żeś mie w prawóm nóżke x 2), (Przes strzewiczek, przes póńczoszke x 2). 
9. (A teraz mie eszcze swodzisz x 2), (Pod okiynko gwizdać chodzisz x 2). 
10. (Gwizdej, gwizdej, wygwizdej sie x2), (Jako ptoszek w czornym lesie x 2). 

 

 Chłopek ci jo

1. Chłopek ci jo chłopek, wesół w polu orze,
Wszyjstko mi sie dobrze dzieje, chwała Tobie Boże.
2. W pracy nie chorujym, lynistwym sie brzidzym,
Żodnej sie roboty żodnej nigdy nie powstydzym.
3. Pana sie nie bojym ani ekonoma,
Bo minyła uż pańszczyzna, siedzym sobie dóma.
4. Móm kóników pore, sztyry wołki w pługu,
Dómeczek mój czysty, bioły, bez żodnego długu.
5. Nie dbóm o majóntek, ani o koróne,
Bo móm w dómu wszyjstki skarby, móm cnotliwóm żóne. 
6. Roslygo sie w polu śpiywani oraczy,
Co ni ma to, ni ma w życiu bez pracy kołoczy.
 

1. Chodziła dziyweczka po kóńczyckim polu,
Sbiyrała zielinki, ku Świyntymu Jónu,
Jak ich nasbiyrała siadła na kamiyniu,
Rospujściła włosy po prawym ramiyniu. 
2. Włosy, moji włosy szkoda waszej krasy, 
Pójdziecie pod czepiec za niedługi czasy, 
(Pójdziecie, pójdziecie widać was nie bydzie, 
Przeminie swoboda, jak ta bystro woda x 2).
 

1. Cicho nocka, ćmawo nocka, dobrze s dziołchóm spać, 
Nic nie widać, nic nie słychać, wiaterek fukać,
Pofukuj wiatrziczku s Dunaja, na mego miłego aż przidzie,
Bydymy sie miłowali do biołego dnia. 
2. Choć mu zwóny zwónić bydóm, płakać nie bydym,
Choć go na marach poniesóm śmioć sie mu bydym,
Kaj sie mi podziała czystota, wzión mi jóm mój miły do świata,
Przenieszczynsno ta godzina, kiero ji biła.
 

1. Ciecze woda spod jawora, kole fojtowego dwora,
(Wszystki ławki sebrała, jyny jednóm niechała x 2).
2. Co Janiczek po ni chodziuł, Swojóm miłóm po ni wodziuł,
(Urwoł japko s jabłóni, i pujściuł je po tóni x 2).
3. Szła dziołuszka na kozani, miała piekne sznurowani,
(A pan farorz sie i ptoł, gdyż cie dziołucho sznurowoł x 2). 
4. Panie farorz co sie ptocie, gdy mi na to nic nie docie,
(Gdo mie w nocy miłuje, tyn mie rano sznuruje x 2). 

 

1. Słóńce stowo nad gorami, Wisła się do życio budzi,
Gdo to śpiywo przi golyniu, potym przi robocie nuci?
Gdo to był? Grónie, nasze Grónie.
2. Kiedy świynta czas nadchodzi, „Złoty Kłos” sie rospoczyno,
Jadóm do nas starzi, młodzi, żeby śpiywać i tańcować,
Gdo to był? Grónie nasze Grónie.
3. Kaj przijadóm tam wygrajóm, talyntu im nie brakuje,
Głosy jak annieli majóm, co Bogu w niebie śpiywajóm,
Gdo to był? Grónie, nasze Grónie. 
4. U Kyndziora na Kolibie, kaj cały czas ogiyń płónie,
Ze śpiywym i śmiychym społym, tam my se podali dłónie,
Gdo tam był? My i nasze Grónie.
5. Sóm my tymu strasznie radzi, że my sie s wami poznali,
W sercu miłojś do Kóńczana, to całe życi Wiślana,
Gdo tak mo? Grónie, nasze Grónie.
 

1. Dobrze syneczkowi co sztyry kónie mo, 
Ale eszcze lepszy tymu, co sztyry żónki mo.
2. Jedna go opiere, drugo łóżko ściele,
A ta trzecio s nim lyguje, sztworto mu gazduje.
3. Darmo rodzicowie, darmo nakłodocie,
Bo tym Panym jo nie bydym, darmo se myjślicie. 
 

1. Doliny, doliny, miyndzy dolinami, 
Rodzice nie wiedzóm, co je miyndzy nami,
(Tra–la–la–la–la–la eszcze dziewczónt za tela x 2).
2. Rodzice nie wiedzóm, ale ludzie wiedzóm,
Straciłach wióneczek na polu pod miedzóm,
(Tra–la–la–la–la–la eszcze dziewczónt za tela x 2).
3. Wołkorze, wołkorze cojście wołki pajśli,
A mego wióneczka czyjście wy nie naszli,
(Tra–la–la–la–la–la eszcze dziewczónt za tela x 2).
4. Nie naszli, nie naszli, ale my widzieli,
Czyrwióne bandliczki po wodzie płynyły,
(Tra–la–la–la–la–la eszcze dziewczónt za tela x 2).
5. Wołkorze, wołkorze na szyfy siadejcie,
A mego wióneczka po morzu chledejcie,
(Tra–la–la–la–la–la eszcze dziewczónt za tela x 2).
6. Choćbyjś ty zaprzóngła sztyry branne kónie,
To twego wióneczka óny nie dogónióm, 
(Tra–la–la–la–la–la eszcze dziewczónt za tela x 2).
 

1. (Doł Pón Bóg wieczór, dziyń wesoły x 2),
(A piyrwej panu gospodarzowi x 2).
2. (A potym także gospodyni x 2),
(Dziecióm, czeladzi pospołu wszyjstkim x2).
3. (A dali nas też posłuchejcie x 2),
(Co wóm bydymy kolyndowali x 2). 
4. (O narodzyniu Jezu Chrysta x 2),
(O łasce Bożej, kiero nóm prziszła x 2).
 

1. Dwie zogrody, dwie jabłónie, dwa czyrwióne japka, 
(Nie miłuj mie mój syneczku, kiedy widzi Matka x 2).
2. Jakoż ji móm nie miłować, kiedy mi nadobno, 
(Suknia na ni jak na pani, szateczka jedwobno x 2).
3. Fortuch nowy, tybetowy, dokoła kolisty,
(Napisej mi moja miło do Krakowa listy x 2).
4. Jo bych ci ich napisała, s nowinkami zaszła,
(Papióru mi pochyliło i świyczka mi zgasła x 2).
 

1. Darmo dziywcze darmo, nie bydziesz mie miało, 
Choćbyjś sobie jedno liczko wymalować dało.
2. Choćbyjś sobie obie, cóż mi je po tobie, 
Kiej sie tobie robić nie chce, nic mi je po tobie.
3. Świyćcież mi gwiozdeczki, świyćcież mi s wysoka,
Wiela takich nocek było, coch nie zmrużuł oka. 
4. Świyćcież mi gwiozdeczki nad tóm Czantoryjóm, 
Uż cie teraz dziywcze nie chcym, uż teraz móm inkszóm.
 

1. Dziołucho moja naucz sie robić, 
Bo cie nie weźnie żodyn królewicz, 
Ref:
Hopsa, horasa, hopsa, horasa, 
Bo cie nie weźnie żodyn królewicz. 
2. Jyny cie weźnie garbarczyk młody, 
Bydziesz mu wozić skóry do wody, 
Ref:
Hopsa, horasa, hopsa, horasa, 
Bydziesz mu wozić skóry do wody. 
3. Skóry do wody, skóry do wody, 
Nie bydziesz miała żodnej wygody, 
Ref:
Hopsa, horasa, hopsa, horasa, 
Nie bydziesz miała żodnej wygody.
 

1. Dwanoście listeczków przi tej biołej róży, 
(Dwanoście aniołków, dwanoście aniołków tobie dzisio służy x 2). 
2. Dałajś panu rónczke, doł ci ksióndz obrónczke,
(Zalołajś sie lzami, zalołajś sie lzami, przed jego oczami x 2). 
3. O wiónku, wióneczku cały s róż narwanych, 
(Bardzo ci mi go żol, bardzo ci mi go żol, niż rodzónej Mamy x 2). 
4. Bo s Mamóm rodzónóm nie bydym miyszkała,
(Jyny s tobóm Jasiu, jyny tobóm Jasiu, boch ci ślubowała x 2). 

 

1. Dobróm gaździne móm, ale se z nióm wiedym, 
(Óna dzierży trzi wyngły, a jo jyny jedyn x 2). 
2. Ta moja gaździno, óna rada dźwigo, 
(Óna dzierży trzi wyngły, mie się s jednym ścigo x 2). 
3. Jak ji dóma ni ma, to mie wszysjtko smuci, 
(Każdy kóntek zaćmióny, słóneczko nie świyci x 2). 
4. Jak moja gaździno do dómu przichodzi, 
(To jo uż je wiesioły, że słóńce wychodzi x 2).
 

1. Dobry wieczór ma Andulko, dobry wieczór, jak sie mosz?
Prziszołech cie tu odwiedzić, szczyjścio, zdrowio winszować. 
2. Jakigo mi szczynścio życzysz? Taki cały żywot mój, 
Jakbyjś ty mie mioł opujścić, skorołby cie za to Bóg.
3. Wszyjstko darmo ma Andulko, my się rosyjś muszymy, 
Na tak wiernym naszym miłojś, my zapomnieć muszymy. 

 

Ej w siyni, w siyni
 

 

Dżiszo sy mnóm figle grajóm, muzyka mi beje grać
bedym skokoł jak łopica łod radości bedym rzwać
bo mie baba pocieszyła, powiedziała nowinke
by na chrzciny śe nagotowoł, że bedym mioł rodzinke

Ej uncaryja udratata beje zy mie fajny tata
ej to zaś beje w chrzciny gymba kwitym przelota

Jednego dnia skoro rano, było myślym kole dwóch
leciołech hónym po dochtora, bo pry babe boli brzuch
po ceście żech zaszeł do potka, aby pojczoł cumlika,
że ta moja baba czako moc szumnego dioblika 

Ej uncaryja udratata beje zy mie fajny tata
ej to zaś beje w chrzciny gymba kwitym przelota

Szwagra żech na chrzciny pozwoł, kupił liter kwitule
a dło tego udóńdańca piszkota pół szkatule
deski na holzplacu"ch ukrod, kolybka je ubito,
przy robczinym łóżku stoji, jak po świnie koryto

Ej uncaryja udratata beje zy mie fajny tata
ej to zaś beje w chrzciny gymba kwitym przelota

Moja baba mi powjado: Tyś je pieron dziwoki
dyż może błoznie trwać przinajmjynszim trzy roki
nale że tacikym bejesz, tym śe możesz zicher być
szak ón siómsiod postaro śe, dyż ty hróme fórt jyn spisz!

Ej uncaryja udratata beje zy mie fajny tata
ej to zaś beje w chrzciny gymba kwitym przelota

jo nimóm na dziecka szcięszcze nale bez nich smutno je
tóż śe kupim psa ku budzie, až mi aspóń łón wyje
a jak ni psa tóż śe kupim jakiegośi cycoka
aspóń wjym że roz bedym mioł pierdolónke do roka!

Ej uncaryja udratata beje zy mie fajny tata
ej to zaś beje w chrzciny gymba kwitym przelota

 

1. Gazdoszkowe pole, same fiołeczki, 
Jaki nóm też dali (dobrej gorzołeczki x 2).
2. Gazdoszkowe pole, pokryte zbożami, 
Uż też gaździneczka, (idóm s kołoczami x 2). 
3. Zdało sie nóm zdało, że sie w polu mroczy,
A to gazdoszkowi (czerniły sie oczy x 2).
4. Zdało sie nóm zdało, że w polu gorało,
A to gaździneczce (liczko zakwitało x 2).
 

1. Gdo chce pieknóm żónke mieć, 
Do Cieszyna po nióm jedź, po nióm jedź,
Do Cieszyna po nióm jedź.
2. Ni s kolasóm, ni s wozym,
Jyny s kijym s porwozym, s porwozym,
Jyny s kijym s porwozym.
3. Je tam żónka bogato,
Jyny troszke klupato, klupato,
Jyny troszke klupato.
4. A oczy mo bawoli,
Troszke wiynksze jak woli, jak woli,
Troszke wiynksze jak woli. 
5. A nosek mo wyngierski, 
Jak ogórka zaczeski, zaczeski,
Jak ogórka zaczeski. 
6. A zymby mo takowe, 
Jako widły gnojowe, gnojowe,
Jako widły gnojowe. 
7. A ku tymu mo lica,
Jak strugaco stolica, stolica,
Jak strugaco stolica.
 

1. (Gdy jo sobie kole wody zóńdym x2), (to jo sobie szwarnóm dziołuche nóńdym x 2),
2. (Uż żech sobie kole wody zaszoł x 2), (uż se sobie szwarnóm dziołuche naszoł x 2),
3. (A jak bydzie po deszczu pogoda x 2), (Przidź syneczku ku mie do ogroda x 2),
4. (Nawóniosz sie kwiecio wónióncego x 2), (I nabydziesz liczka rumianego x 2),
5. (A co mi je po tej rumianojści x 2), (kie jo ni móm ku tobie miłości x 2),
6. (Miyjże synku jyny miłojś ku mie x2), (dostaniesz ty rozmaryjón u mie x 2),
7. (Choćbyjś tymi rozmaryjón dała x 2), (gdyjś ty s inkszym w ogródeczku stoła x 2), 
8. (Nie dziwej sie chudobnej siyrocie x 2), (to sie trefi i pannie we złocie x 2),
9. (Gdybyjś była chudobno siyrota x 2), (ni miała byjś lańcuszka ze złota x 2). 
10. (Miałabyjś ty pacioreczki drobne x 2), (jak to majóm dziołuszki chudobne x 2). 
 

1. Gore lipka, gore, iskierki padajóm, 
(O tobie syneczku, o tobie syneczku ludzie rosprawiajóm x 2). 
2. Niech tam rosprawiajóm, jak im gymby nie żol,
(A jo se s dziewczynom, a jo se s dziewczynóm bydym w łóżku leżoł x 2).
3. Gore lipka, gore, popielinek sieje,
(Ożyń sie syneczku, ożyń sie syneczku nie czakej Niedziele x 2).
4. Niedzieliczka krótko, a dziołucha chudobno, 
(Wejś se jóm syneczku, wejś se jóm syneczku je ku tobie rowno x 2). 
5. Darmo dziołucho, darmo, nie bydziesz mie miało, 
(Choćbyjś sobie liczko, choćbyjś sobie liczko wymalować dało x 2). 
6. Choćby baji oba, cóż mi je po tobie,
(Ty nie umisz robić, ty nie umisz robić nic mi je po tobie x 2). 
 

1. Gdybych jo był sielskiym synym,
Napoiłbych dziywcze winym,
(A że jo je s chałupinki,
Ni móm ani gorzolinki x 2). 
2. Gdyby rano nie świtało ,
Było by mi dziywcze dało,
(Rozmaryjón zielónego, 
do szateczka wiónzanego x 2). 
3. Gdyby trymbacz nie był trómbiuł,
Nie byłby mi dziywcze zbudziuł x 2),
(A że trymbacz zaczón trómbić,
Poczyno sie dziywcze budzić x 2).
 

1. Prziszli my tu prziszli, pod wasze okiynko,
Żeby was posdrowić miło gospodyńko,
Goiczek zielóny, pieknie przistrojóny. 
2. A na tym goiczku malowane wajca, 
Sóm też tam dziołuszki szykowne do tańca,
Goiczek zielóny, pieknie przistrojóny. 
3. Siedzóm se gaździnka na małym stołeczku, 
Piastujóm dziecióntko w biołym zogłoweczku, 
Goiczek zielóny, pieknie przistrojóny. 
4. Zdało sie nóm zdało, że w polu gorało,
A to gaździneczce liczko zakwitało,
Goiczek zielóny pieknie przistrojóny.
5. Zdało sie nóm zdało, że sie w polu mroczy,
A to gazdoszkowi czerniły sie oczy,
Goiczek zielóny pieknie przistrojóny. 
6. Dejcie wy nóm dejcie, co nóm dać i chcecie,
Bo nóm trza ijś dali, dobrze o tym wiycie,
Goiczek zielóny, pieknie przistrojóny.
 

1. Gwieździczki, gwieździczki, wy jasno świycicie,
(Mojigo na wojnie bieróm, wy o tym nie wiycie).
2. Nie wiycie, nie wiycie, wiedzieć nie bydziecie,
A jo tymczasym stracym swoji życi x 2). 
 

1. Górnicy, górnicy, co wyngiel kopiecie, 
(Wrymbówkóm, kómbajnym, pod ziymióm jeździcie x 2).
2. Na świecie, na świecie słóneczko wysoko, 
(Ze śmiychym pójdymy za miasto daleko x 2).
3. Na wyrchu dziołuchy przi bramie czakajóm, 
(Na szpacyr s chłapcami uż sie namawiajóm x 2).
4. A bydzie wypłata s piyniyndzmi przijdziecie, 
(To s nami dziołuchami se potańcujecie x 2).
5. Szwarny górnik, szwarny, rot w tańcu wywijo, 
I pieknej muzyki s dziyweczkóm nie mijo x 2).
 

1. Gwoździczki, gwoździczki, piekne tulipany, 
Kaj żeś sie mi podzioł mój miły kochany.
2. Czy cie woda wziyna, czy cie utopiła,
Czy cie kiero dziołucha ku sobie przijyna.
3. Szyfiorze, szyfiorze z mostu wysokigo, 
Nie widzieliście tu kochanka mojigo. 
4. Widzieli, widzieli, ale nieżywego, 
Na środku Dunaja mieczym przebitego.
5. Skoczyła dziyweczka s mostu wysokigo, 
Wyjyna szabliczke s boku mu prawego. 
6. A jak jóm wyjyna, chnet sie nióm przebódła, 
Dziwejcie sie ludzie, co za miłojś była. 
 

1. (Gorzołka dycki dobro je x 2), 
(Bo pijajóm jóm gazdowie, i sprzedajóm na nióm zboże,
Gorzołka dycki dobro je x 2).
2. (Gorzołka dycki dobro je x 2),
(Bo gaździny jóm pijajóm, masło, wajca za nióm dajóm, 
Gorzołka dycki dobro je x 2). 
3. (Gorzołka dycki dobro je x 2), 
(Bo pachołki jóm pijajóm, jak popijóm to kochajóm,
Gorzołka dycki dobro je x 2). 
4. (Gorzołka dycki dobro je x 2), 
(Bo jóm pijóm też artyści, bo gorzołka karki czyjści, 
Gorzołka dycki dobro je x 2). 
5. (Gorzołka dycki dobro je x 2), 
(Bo jóm pije staro babka, jak popije hop na dziadka, 
Gorzołka dycki dobro je x 2). 
 

1. Dej Pón Bóg dobry dziyń pod wasze okiynko, 
Przyszli my powitać was miło gaździnko,
Gojiczek zielóny, pieknie przistrojóny.
2. A na tym gojiczku malowane wajca, 
Sóm tu też dziyweczki szykowne to tańca. 
Gojiczek zielóny, pieknie przistrojóny.
3. A na tym gojiczku jedwobne sznureczki, 
Co jich nawieszały szykowne dziyweczki. 
Gojiczek zielóny, pieknie przistrojóny. 
4. A na tym gojiczku je głośny zwóneczek, 
Co nóm go zawiesiuł szwarny pachołeczek, 
Gojiczek zielóny, pieknie przistrojóny. 
5. A na tym tu dómie szumne krowy majóm, 
Sóm tu też dziyweczki, co jich odbywajóm, 
Gojiczek zielóny, pieknie przistrojóny.
6. Jak idóm do chlywa to se podśpiywujóm, 
A jak ku muzyce fortuszki szykujóm, 
Gojiczek zielóny, pieknie przistrojóny.
7. A w tym to tu dómie szumne kónie majóm, 
Sóm tu też pachołcy, co jich odbywajóm, 
Gojiczek zielóny, pieknie przistrojóny. 
8. Jak idóm do chlywa to jich pocapkujóm, 
A jak ku muzyce to se podskakujóm, 
Gojiczek zielóny, pieknie przistrojóny. 
9. Zdało sie nóm zdało, że w polu gorało,
A to gaździneczce liczko zakwitało, 
Gojiczek zielóny, pieknie przistrojóny. 
10. Zdało sie nóm zdało, że sie w polu mroczy,
A to gazdoszkowi czyrniły sie oczy,
Gojiczek zielóny, pieknie przistrojóny. 
11. Idóm se gazdoszek na poleczko w pojście, 
Oglóndać pszyniczke, jako óna rośnie, 
Gojiczek zielóny, pieknie przistrojóny. 
12. Dełby też to Pón Bóg, coby im urosła, 
Coby była telko, jako w lesie sosna, 
Gojiczek zielóny, pieknie przistrojóny. 
13. Przi tym naszym dómu, zielóny stróm stoji, 
Mocie tu dziyweczke, co sie wydać stroji, 
Gojiczek zielóny, pieknie przistrojóny.
14. Zdało sie nóm zdało, że sie w polu burzi, 
A to pachołeczek na dziyweczke burzi, 
Gojiczek zielóny, pieknie przistrojóny.
15. Dejcie wy nóm dejcie, co nóm daci chcecie, 
Bo nóm trza ijś dali, dobrze o tym wiycie, 
Gojiczek zielóny, pieknie przistrojóny. 
16. Nie dowejcie wy nóm piniónżka jednego, 
Bo by my sie w polu pobiły o niego,
Gojiczek zielóny, pieknie przistrojóny. 
17. Ale wy nóm dejcie po piyńci, po sześci, 
Coby my tak miały po równakij czynści, 
Gojiczek zielóny, pieknie przistrojóny.
18. Pón Bóg wóm też zapłoć za te wasze dary,
Byjście sie do roku śmiyrgustu dostali, 
Gojiczek zielóny, pieknie przistrojóny.
 

Gorzolinko, ciotko moja, nie piłech cie jako wczora, 
Na groblach, hej na groblach, trala, la, la, la, la, 
W karczmie w bani, a dzisio w moji czepani.
 

1. Hej koło Cieszyna stoji lipeczka,
A pod tóm lipeczkóm stoji dziyweczka, 
Stoji, stoji wystrojóno, jak by była malowano,
Jako dworeczka, hej jako dworeczka.
2. A jo sie ji pytoł, czy by mie chciała,
A óna mi na to rónczki podała,
Ojcowie sie dowiedzieli zaroz po nióm przijechali,
Było wiesieli, hej było wiesieli.
3. A na tym wiesielu dostołech wiele,
Sztyry wołki siwe, świdrate ciele,
Wszyjstko by to dobre było, gdyby nóm to nie szkodziło,
Żóneczko moja, hej żóneczko moja.
4. Dostołech tez potym kabot na świynta,
Co nieboszczyk starzik pos w nim cielynta,
Gdyby byli starzik żyli, to by byli w nim chodzili,
Jo bych ni mioł nic, hej jo by ni mioł nic. 
 

1. Hej swoboda, swoboda, swobodziczka, kiedy mie chowali Mamuliczka, 
(Gdy mie w kolybeczce kolybali, uż mi o swobodzie śpiywowali x 2).
2. Uż żech sie ożyniuł, uż je darmo, wziónech se na siebie wielki jarzmo,
(S kierym muszym chodzić aż do śmierci, swoi młode roki mieć w pamiynci x 2).
3. Gdo mo dobróm żónke, tyn mo radojś, óna mu nie srobi nigdy na złojś,
(Do mu pusy rano i połednie, a jak przidzie wieczór przi nim legnie x 2).
 

1. Haniś moja Haniś, cóżeś za Hanisia, 
((Żejś minie podała x 2) rónczki na kónisia x 2).
2. Rónczki na kónisia, na mego bułanka, 
((Haniś moja Haniś x 2) cóżeś za kochanka x 2). 
3. Kóń ustoć ni może i nóżkóm uż grzebie, 
((Bo rot na siodełko x 2) wziónś także i ciebie x 2). 
4. Podejże mi rónczke, podejże mi rónczke, 
((Przes zielónóm łónczke x 2) wejś mojóm obrónczke x 2). 
5. Podejże mi rónczke, podejże mi rónczke, 
((Sióndym na kónika x 2) pojadymy sobie x 2).
 

1 i 3. Hanka czorne oczka, nie siadej ty u potoczka, Hanka czorne oczka, nie siadej ty tam., 
Bo by cie zaloła woda, było by cie szkoda, Hanka czorne oczka. 
2. Hanulinka u potoczka stoła, czornym oczkiym na mie zaglóndała, 
Hanulinko ni zaglóndej na mie, kiedy żejś mi powiedziała, 
Że wyndziesz za mie, kiedy żejś mi powiedziała, że wyndziesz za mie.
 

1. (Hej tam pod lasym leszczyna x 2), (a pod leszczynóm dziewczyna x 2). 
2. Tam długi włosy czosała, x 2), (rzewnie nad nimi płakała x 2).
3. (Ej włosy, włosy włosiste x 2), (służłyjście mi zaiste x 2), 
4. (Teraz mi służyć nie chcecie x 2), (Pod bioły czepiec pójdziecie x 2).
 

1. (Istebniański dziyweczki x 2), (każ wy mocie wióneczki x 2).
2. (A mómy je w kumorze x 2), (powieszane na sznurze x 2).
3. (Cóż by jedyn kosztowoł x 2), (jakby go gdo kupowoł x 2).
4. (Jak chudobny syneczek x 2), (trzi tysiónce wióneczek x 2).
5. (Jak bogaty roz tela x 2), (a to eszcze nie wiela x 2).

 

1. Jak jo siano grabiła, wiónek żech se straciła,
Prawie jechoł s pola Żyłów Jónek szelma, jo na niego słożyła. 
2. Jak przijechoł przed karczme, wystrzelił se karwaczym, 
Stój kóniku branny, stój kóniku branny, aż muzyce zapłacym.
3. Moi miłe siostrziczki, podejcie mi szabliczki,
Aż jo sie przebodym, jo se kóniec zrobiym, a to skyrz galaneczki.
 

1. Jechoł siedloczek, do pola orać, 
(Ni mioł mu, ni mioł mu gdo zapoganiać x 2).
2. Jak wyjechali kónsek do pola,
(To słómała sie im, u pługa noga x 2).
3. Zakiyl gasdoszek, tyn pług sprawowoł,
(To se też pachołek s dziywkóm figlowoł x 2). 
4. Gaździno sie im, s okna dziwała,
(Nie figluj nie figluj, byjś se nie nagrała x 2).
 

1. Jedyn diabeł, siedym diabłów, idźcie baby do stu diabłów,
(Bo tu psinco po babach, jyny siedzóm na ławach x 2).
2. Na ławce se posiadajóm, na chłapców sie oglóndajóm,
(Jako kiery tańcuje, i jak dziołuchy miłuje x 2).
 

1. Jeżech jo dziyweczka (s ubogigo stanu x 2),
(A jednak mie moja Matka, nie do byle kómu x 2 ).
2. Bo moi bogactwo (je wiónek na głowie x 2),
(I ta jedna sukiyneczka, co jóm móm na sobie x 2).
3. Sukiyneczka jedna, (fortuszek też jedyn x 2),
(Musisz ty se takij chledać, co ich mo ze siedym x 2).
4. Chledołech, chledołech, (alech ji nie nalos x 2), 
(Jako Ciebie kochaneczko, kiero mnóm pogardzosz x 2).
 

Jeżech żóna młodziusiyńko, móm mynża starego,
Rada bych se namówiła holeczka młodego.
 

1. Jest drożyna jest przez caluśkóm wieś
Wydeptała jóm Kasiyńka, jak nosiła jejś.
2. Jak jejś nosiła, tak se nuciła,
Bych jo twojóm mój Jasiyńku, od dzisia była. 
3. Ty bydziesz moja, a jo bydym twój,
Tylko ty mi moja Kasiu, s inkszym nie stój.
4. Jo bydym stoła i rozmawiała,
Boch od ciebie mój Jasiyńku kochania nie znała.
 

1. Je w zogrodzie bioło róża, jo ji targać nie bydym, 
(Miłowałach jo syneczka, uż miłować nie bydym x 2).
2. Miłowałach go serdecznie, w sercu nosiła, 
(Pokiel joch sie nie doznała, że to miłojś fałszywo x2).
3. Szoł ón s karczmy cestóm dołu, jo zaś przed siynióm stoła, 
Chłapcy na mie pokazujóm, hanej stoji twa miło x 2). 
4. Spujściuł kłobuk do samych nóg, oczy spuściuł na ziymie, 
(Uwierzcie mi kamratowie, jo ji wystoć ni mogym x 2).
5. Teraz mie wystoć ni możesz, piyrszyjś ku mie chodzywoł, 
(Jo po ciebie nie posłała, byjś w mym sercu przebywoł x 2).
 

1. Jak jo nie był dóma, stała sie mi szkoda, 
(Miołech dziołuche namówiónóm, wziyna mi jóm woda x 2).
2. Ej woda, wodziczka, nawróć mi móm miłóm, 
(Bo jak mi jóm nie nawrócisz, namówiym se inkszóm x 2). 
3. Woda nie nawróci, óna pyndym ciecze, 
(To przes ciebie mój syneczku, mosz fałeszne serce x 2).
4. Mosz fałeszne serce, uwodzisz młodziyńce,
(Każdego ku sobie wodzisz, sama na nic jeżeś x 2).
 

1. Jedzie, jedzie rycerz zbrojny, wraco do dóm s długij wojny, 
Suknia na nim poplamióno, szabla jego wyszczerbióno. 
2. Wito go też Ojciec stary, siostry mu wynoszóm dary,
Gdzieżejś Matko, wracóm s boju, Matko miło wyndź s pokoju. 
3. Ach uż Matka nie wybieży, bo od roku w grobie leży,
Na grób poszoł rycerz w zbroji i tam płakoł Matki swoji. 
 

1. Jak pójdym s gospody, gdóż mie odprowadzi, 
Żodyn, żodno inkszo, jyny ma nejmilszo. 
2. Syneczku rosmiły, tyjś kapke podpity, 
Zustóń, zustóń u nas, jo dóm pozór na nas. 
3. Stazyjka usnyła, pozoru nie dała, 
Jozefek szoł w nocy i wpod do piwnicy. 
 

1. (Jegry grajóm, jegry grajóm, psy szczekajóm x 2), 
(Wejżyj Maniu, co tam majóm x 2). 
2. (Jedzie Janek, jedzie Janek, s wielkij wyspy x 2), 
(Skocze pod nim kónik bystry x 2). 
3. (Jedzie Janek, jedzie Janek, s wielkij góry x 2), 
(Skocze pod nim kónik bury x 2).
4. (Jedzie synek, jedzie synek s cudzej stróny x 2), 
(I szuko bogatej żóny x 2). 
5. (I nalos jóm i nalos jóm w biołej Rusi x 2), 
(Niebożatko robić musi x 2). 
6. (Róncze wziyna, róncze wziyna, list pisała x 2), 
(By jóm Matka wysłuchała x 2).
7. (Jak Matula, jak Matula list czytała x 2), 
(To ze żalu aż zymdlała x 2).
 

1. Jo na wojne nie pójdym, trala lija bum, 
Jo na wojne nie pójdym i wojować nie bydym, 
Trala lija bum. 
2. Kula by mie zabiła, trala lija bum, 
Kula by mie zabiła, cóż by Hanka robiła, trala lija bum. 
3. Moja Hanko co ty mosz, trala lija bum,
Moja Hanko co ty mosz, że się mi tak podobosz, 
Trala lija bum. 
4. Móm jo wiónek s różami, trala lija bum, 
Móm jo wiónek s różami, koszulke s okniżami, 
Trala lija bum.
5. Móm suknie fałdowanóm, trala lija bum, 
Móm suknie fałdowanóm i skrzinie malowanóm, 
Trala lija bum. 
6. Pierziny móm też nowe, trala lija bum, 
Pierziny móm też nowe, kónia, świnie i krowe, 
Trala lija bum. 
7. Jyny rosmów sie s Tatóm, trala lija bum, 
Jyny rosmów sie s Tatóm, to wiesieli na lato, 
Trala lija bum. 
 

1. Jo jóm pytoł tak szumnie, by mi dała na gumnie, tak szumnie, na gumnie kóniowi siana. 
2. Ale óna nie chciała, ani mi też nie dała, tak szumnie na gumnie, kóniowi siana.
3 Jo jóm pytoł łaskawie, by mi dała na stawie, łaskawie nastawie, kóniowi siana. 
4. Ale óna nie chciała, ani mi tez nie dała, łaskawie nastawie, kóniowi wody. 
5. Jo jóm pytoł szczynśliwóm, by mi dała pod śliwom, szczynśliwóm pod śliwom, śliweczke urwać. 
6. Ale óna nie chciała, ani mi też nie dała, szczynśliwóm pod śliwom, śliweczke urwać.
7. Jo jóm pytoł w kumorze, by mi dała na łoże, w kumorze na łoże, głowe położyć. 
8. Ale óna nie chciała, ani mi też nie dała, w kumorze na łoże, głowy położyć. 
9. Jo jóm pytoł na górze, by mi dała na sznurze, na górze, na sznurze gacie, powiesić. 
10. Ale óna nie chciała, ani mi też nie dała, na górze, na sznurze gacie, powiesić. 
11. Mojóm pytoł piwnicy, by mi dała przi świycy, w piwnicy, przi świycy, piwa natoczyć.
12. Ale óna nie chciała, ani mi też nie dała, w piwnicy przi świycy, piwa natoczyć. 
 

1. (Jak jo była pannóm x 2). Pannom, paniyneczka, 
Zaglóndali chłopcy na mie, kluczowym dziureczkóm. 
2. (Teraz nie zaglóndajóm x 2), przes szyroki wrota, 
No cóź jo se teraz pocznym ubogo siyrota. 
3. (Pójdym na muzyke x 2), stojym sama w siyni, 
Wijym wiónki s macierzónki, na zielónej skrzini.
 

1. Janiczek trowe siecze, kosa mu kosić nie chce, 
(Trowa sie ugino, Janiczek sie dziwo, słóneczko wysoko je x 2).
2. Słóneczko na zachodzie, ma miło odprowadź mie, 
(Odprowadź mie za las , tam mi gymbulki dosz, potym sie rozyndymy x 2). 
3. A jak sie roschodzili, oba se zapłakali, 
(Oba do jednego, fortuszka biołego, oczka se uciyrali x 2).
 

1. (Jak jo idym s karczmy do dómu x 2), porzebujym trzech ze sobóm. 
2. (Dwaj mi przekłódajóm nogi nogi x 2), a tyn trzeci chledo drogi. 
3. (Baba mie na progu wito x 2), witej ty świnio opito. 
4. (Zawrziła mie do chlywika x 2), miyndzy wieprza i kormika. 
5. (Jo se myśloł, żeto żónka x 2), dołach świni pocałunka.
 

1. Jak my prziszli do gospody, bom, stra, li, ja. la,
Siedli my se miyndzy stoły, bom, stra, la, 
Jak sie mosz, co dziełosz, bom, stra, la, li, ja, la, la, 
Kaj ty jakóm hoke mosz, ku, ku. 
2. Staro Matka dycki szepcze, bom, stra, li, ja, la, 
Że mie żodyn siedlok nie chce, bom, stra, la, 
Nie chcym jo siedloka, bom, stra, la ,li, ja ,la, la, 
Wolym raczy wojoka, ku, ku.
3. Wojok przidzie ku muzyce, bom, stra, li, ja, la, 
Postawi się, jako swiyca, bom, stra, la, 
A siedlok nieborak, bom, stra, la, li, ja, la, la, 
Stoji w kóncie, jak żebrok, ku. ku. 
4. Na nogach mo nogawice, bom stra, li, ja, la, 
Na rynkach mo rynkawice, bom, stra, la, 
Na głowie mo moździyrz, bom, stra, la, li, ja, la, la, 
Stoji w kóncie, jak rałubiyrz, ku, ku.
 

1. (Jadóm, jadóm sukiynnicy sukiennicy Berna x 2),
(I pytajóm się, po wiela ta wełna x 2). 
2. (A ta Ćorno po talarku, po dwa x 2), 
(Hej! a ta bioło trzi tysiónce strzybła x 2). 
3. (Ćorno wełna na biołym baranku x 2),
(Hej skónd ty jadziesz kućerowy Janku x 2).
4. (Jadym, jadym niedaleko cesty x 2), 
(Hej! A jadym tam pochladać niewiasty x 2).
 

/:Jak jo szeł ze szynku do dóm:/
/:po ziymi żech nosym oroł:/

/: Dwa mie dzierżóm za ramióna:/
/: Bych nieupod na kolana:/

/:Niż żech kabot zewlyk w siyni:/
/:Dołech futru pozdrowiyni:/

/:Babeczka mie pieknie pozdrowi:/
/:hned mi prawi:Pse łożrały:/

/:Ĺšniodaniczko przigotuje:/
/:dziobłami mie trachtyruje:/

/:Do roboty mie wyhanio:/
/:misto mięsa chlyb mi dowo:/

/:a jo sóm siebie wzdychóm:/
/:po łóżku śe smutny dziwóm:/

 

1. Za stodołóm na rzyce,
Pasła dziołucha kaczyce, kaczyce
Pasła dziołucha kaczyce.
2. Moji kaczki taś, taś, taś, 
Przidźże Jasiu przidźże zaś,
Przidźże Jasiu, przidźże zaś.
3. Nie chodź do mie w sobote,
Bo móm wielkóm robote, robote,
Bo móm wielkóm robote.
4. Ale przidź ty w niedziele,
Jak jo łóżko pościelym, pościelym,
Jak jo łóżko pościelym.
5. A ón prziszoł w sobote,
Miała wielkóm robote, robote,
Miała wielkóm robote.
6. Pościelała na ławie,
Wyży w rzici niż w głowie, niż w głowie,
Wyży w rzici niż w głowie.
7. Chcioł sie na ni obrócić,
Wpod do żbera smoczoł rzić, smoczoł rzić,
Wpod do żbera smoczoł rzić.
8. Óna mu jóm suszyła,
Pół rzici mu spoliła, spoliła,
Pół rzici mu spoliła .
9. Wziyna deske lipowóm,
Ustrugała rzić nowóm, rzić nowóm,
Ustrugała rzić nowóm.
10. Po jarmarku chodzili,
Ze zadkiym sie chwolili, chwolili,
Ze zadkiym sie chwolili.
11. Tako dupa to je nic,
To mo miary szejś mierzic, szejś mierzic,
To mo miary szejś mierzic.
 

1. Kiedy jo se szoł kole miasteczka, nadeszła mie tam szwarno dziyweczka,
Óna sie mie przelynkła, słówka do mie nie rzekła.
2. Nie lynkej sie mie szwarno dziyweczko, abo ty bydziesz mojóm żoneczkom, 
Bo ty mojóm musisz być, wole mojóm wypełnić. 
3. A jo sie stanym małóm rybeczkom, bydym pływała czystóm wodziczkóm,
A jo twojóm nie bydym, woli twoji nie spełniym.
4. Majóm rybaki, takowe saki, co wychytajóm ryby i raki,
A ty mojóm musisz być, wole mojóm wypełnić.
5. A jo sie stanym małóm myszeczkóm, bydym góniła ciasnóm dziureczkóm,
A jo twojóm nie bydym, woli twoji nie spełniym.
6. Majóm kocury taki pazury, co wychytajóm myszeczki s dziury,
A ty mojóm musisz być, wole mojóm wypełnić.
7. A jo się stanym dzikiym gołómbkiym, bydym lotała wysokim dymnym, 
A jo twojóm nie bydym, woli twoji nie spełniym. 
8. Majom myśliwi takowe sieci, gołómbek s dymbu sóm do nich wleci, 
A ty mojóm musisz być, wole mojóm wypełnić. 
9. A jo sie stanym gwiozdkóm na niebie, bydym świyciła ludzióm w potrzebie, 
A jo twojóm nie bydym, woli twoji nie spełniym.
10. Dóm żebrokowi bochenek chleba, to mi wyprosi gwiozdeczke s nieba, 
A ty mojóm musisz być, wole mojóm wypełnić. 
11. Cóż jo móm robić biydno dziewczyna, kaj sie obrócym wszyndzi mie ścigo,
Teraz uż twojóm bydym, wole twojóm wypełniym.
12. Zagrej kapelo na wszyjstki stróny, chwała ci Boże żech dostoł żóny,
Teraz mojóm zustaniesz i czepeczek dostaniesz.
 

1. Kiedy jo szeł kole lasa, kole jednego,
Dobiłech tam zgniłe drzewo, wilka zdechłego, 
A co jo je za pachołek, że jo sie wilka nie bojym,
(Eszcze zdechłego x 2).
2. Za stodołóm makowina, je mocka maku, 
U sómsiada szwarne dziywki ni majóm szmaku, 
I przijechoł Żyd z Dymbowca, nabroł na wóz jako owsa,
(Pojechoł na torg x 2).
3. Choćżech jo je pacholiczek s biydnej krainy,
Zaproszym sie na muzyczke tak jako inkszy,
Wszyjtski dziywki o mie szepcóm, tańcować uż sy mnóm nie chcóm, 
(S jakij prziczyny? x 2). 
 

Kołomajki mig, mig, mig, ożyniuł sie cukiernik
A wzión sobie za żóne kowolowóm Maryne,
Kowolowo Maryna, papiórowe buty mo,
A jak se ich obuje kołomajki tańcuje.
 

1. Kóńczyccy pachołcy bardzo sie pysznili,
Szejściu się ich żyniło w jednej kamizeli.
2. Tyn piyrszy na sukno, tyn drugi na płótno,
Tyn trzeci sie raduje, że oblecze jutro.
3. Tyn sztworty na knefle, tyn piónty na nici,
Tyn szósty mioł popłacić, mo pinióndze w rzici. 
 

Kóńczycki godziny smutnie bijóm,
Óny mie s móm miłóm rosłónczajóm,
(Rosłónczajóm, nie bojym sie,
Przidzie ta godzina, ożyniym sie x 2). 
 

1. (Zasiołach poganke a proso mi zeszło x 2),
(Kany sie obrócym x 2), wszyndzi mi je teschno. 
2. (Tam gdzie je jawor, tam gdzie je jaworeczek x 2), 
(Tam gdzie je czorny las x 2). 
(Powiydz mima miło ma dziyweczko rosmiło,
Jeśli mie ty rada mosz x 2).
3. Od buczka do buczka listek drobny, 
Powiydz mi syneczku jeślijś dobry, 
(Jeślijś dobry to przidź ku mie, 
Dostaniesz gymbulki wieczór u mie x 2).
4. Kozała mi k sobie przijść, kiedy bydóm sztyry bić, 
Sztyry biło, piynć biło, miłowanio nie było. 
5. (Za naszóm stodołóm x 2) zakwitała reż, 
(Powiydz mi dziewczyno x 2), jeśli ty mie chcesz. 
(Jakóż bych cie chciała x 2), ty sy mie szydzisz, 
S inkszymi tańcujesz i inksze czynstujesz, 
Za mie sie wstydzisz. 
6. (Kiedy jo szoł przes tyn lasek borowy, 
Jaki w zimie, tak i w lecie zielóny x 2),
A mie sie wszyjstko zdo, że sie na mie
Gniwo to moji pocieszyni. 
7. S tamtej stróny wody stoji chłapiec młody, 
Żebych go dostała, pojściłabych w strzody. 
8. Jechołech dróżkóm kole miasteczka, 
Spotkała mie tam szwarno dziyweczka, 
Była w pieknym obyczaju, 
Jako to tam w inkszym kraju, 
Jako dworeczka. 
9. Kaj jedziesz Janiczku, na brannym kóniczku, 
Do dalekij krajiny,
Wejś że i mie s sobóm, do dalekij krajiny. 
10. (Wiym jo na gródku jedyn dóm x 2), 
(Je tam dziewczyna, co jóm znóm x 2). 
11. Dwie zogrody, dwie jabłónie, dwa czyrwióne japka, 
(Nie miłuj mie mój syneczku, kiedy widzi Matka x 2). 
12. (Doli, doli, dolina x 2), 
Doli, doli mie serduszko dziewczyna, 
Ros, dwa, dziewczyna).
(Jo kóniczki napasym x 2), 
Jo kóniczki me serduszko napasym,
Ros, dwa, napasym.
13. Ej na górze, na górze tam syneczek orze, 
Kóniczku mu ustowajóm (a ón uż ni może x 2).
14. Wczora mi skozała hudobno dziewczyna,
Dzisio mi skozały bogate dwie,
Ej lepszo też lepszo ta hudobno,
Niżli ty bogate dwie. 
15. (Czyrwióno chusteczka, sóm kwioteczki na krziż x 2),
(Co ty tak syneczku krziwo na mie patrzisz x 2).
16. Świyć mi miesiónczku s jasna, na tyn pański dwór,
Kandy żech chodzowoł, chodzić nie bydym. 
Je tam cesta szyroko uszłapano s daleka, 
Bydzie o mie płakać moja dziyweczka. 
17. Kasia w siyni ros stoła i na Jasia mrugała, 
Chodżże ty Jasiyńku drogi kochaneczku,
(Serce moji, serce moji x 2). 
18. Jakże jo móm tam chodzić, jakże cie stale lubić, 
Ojciec twój sie gniwo, a Matka przezywo, 
(Serce moji, serce moji x 2).
 

1. Kumory sie żyniły, hm, hm żynili,
Troszku piwa ni mieli, hm, hm, ni mieli.
2. Cosi w lesie stuknyło, hm, hm stuknyło, 
I w około gruchnyło, hm, hm, gruchnyło.
3. A to kumor s dymbu spod, hm, hm, s dymbu spod, 
Połómoł se w krziżu gnot, hm, hm, w krziżu gnot. 
4. Muszka płacze w kumorze, hm, hm, w kumorze, 
Że uż kumor ni może, hm, hm, ni może. 
 

1. Kole naszych dziyn, ciecze woda skokym, 
Ni mogym ji zastawić, 
(U sómsiada wedle je tam dziywcze dlo mnie, 
Ni mogym ji namówić x 2). 
2. Siednym na siwulka, obłapiym Tatulka, óni mi jóm muszóm dać,
(Dadzóm ci jóm dadzóm, pieknie odprowadzóm, jyy musisz poczakać x 2).
3. Siednym na kobyłke, obłapiym Mamulke, 
Óni mi jóm muszóm dać, 
Kobiety:
(Dadzóm ci jóm dadzóm, pieknie odprowadzóm, 
Ale musisz popytać x 2). 
4. Siednym na zgrzybióntko, obłapiym dziewczóntko, 
Óno moji musi być, 
(Bydzie twojóm, bydzie, bydzie twojóm bydzie, 
Musisz sobie jóm wożyć x 2). 
 

1. Kaj jedziesz Janiczku, na brannym kóniczku, 
Do dalekij krajiny, 
Wejś i mie s sobóm, 
Radach jechać s tobóm do dalekij krajiny. 
2. (Cóż tam bydziesz robić x 2), w tej dalekij krajinie, 
Szróty bydym piyrać, po stole rospiyrać, 
Nadobny kawalyrze.
3. (Kaj ich bydziesz suszyć x 2), w tej dalekij krajinie, 
Na wysokij górze, na jedwobnej sznorze, 
Nadobny kawalyrze. 
4. (Kaj ich bydziesz kulać x 2),
W tej dalekij krajinie, 
Na pruskij granicy, na strzybnej stolicy, 
Nadobny kawalyrze. 
 

1. Anioł zwiastuje owczorziczkóm radojś oznajmuje pastyrziczkóm, 
Stowejcie owczorze, nie czakejcie, narodziuł sie nóm Pón weselmy sie.
2. Owczorze stowajóm nie czakajóm, piszczałki, huśliczki se sztymujóm,
Pódźmy Wałaszkowie uż czas mómy, małymu dziecióntku tu zagrómy. 
3. Jura zagrej s Jónkym do hajduka, niesie Paweł jarke do obuka, 
A tak se obuszkym zaszyrmuje, a wokół kopieczka podskakuje. 
4. Dej baco żyntyce napijym sie, a złotym rzetazym opasym sie,
Hopsa w dół tu kopcym, ku Betlejym przewróciuł koziołka, a jak nie wiym.
 

Kóńczycki pachołki na szpacyrpolki, jak wyszli za wrota iskali wszy, 
(Braciszku mój pojczej mi kół, boch nalos wszynoka, jak niski wół x 2).
 

1. (Kiedy jo szoł brzezineczkóm x 2), (spotkołech się s kochaneczkom x 2).
2. (Spotkało sie dwoje oczy x 2), (co płakało we dnie w nocy x 2). 
3. (Oczka, oczka co płaczecie x 2), (czy sie doczekać ni możecie x 2). 
4. (Obiecołejś że mie weźniesz x 2), (jak pszyniczke w polu zerźniesz x 2). 
5. (Uż żejś zerżnół i zagrabiuł x 2), (a mie siyrotke zustawiuł x 2). 
6. (Kamiyń młyński wodóm płynie x 2), (stan małżyński nie zaginie x 2). 
7. (Kamiyń młyński wodóm leci x 2), (stan małżyński aż do śmierci x 2). 
 

1. Kiedy jo był mały chłapiec, tra–la–la, tra–la–la, kiedy jo był mały chłapiec, 
Kozali mi s dziywkami na piec, tra–la–la, tra–la–la. 
2. A teraz mi nie chcóm kozać, tra–la–la, tra–la–la, a teraz mi nie chcóm kozać, 
Żebych tam móg co dokozać, tra–la–la, tra–la–la.
 

1. Kaj ty idziesz galanko? 
Do stodoły na sianko, 
Nie zawiyrej za sobóm, bojo idym za tobóm. 
2. Ale óna zawrziła, syneczka nie pujściła, 
Idź syneczku do dómu, bo mosz eszcze ku kómu. 
3. Bo mosz Matke i Ojca, nie ziynicie do wojska, 
Nie rób mi ty zgryzoty, bo jo ni móm ochoty. 
 

1. (U kowola kuźnia malowano x 2), 
(Kuźnićka, kuźnićka, a za kuźnióm w stodoliczkym Zuzićka x 2). 
2. (Kowolićek jyny do Zuzićki x 2), 
(Obiecoł, obiecoł, a nie obkuł moje siwe kunićki x 2).

 

1. Leciała kaczynka, leciała s wysoka,
Ni mógła dolecieć, (wpadła do potoka x 2).
2. Wpadła do potoka, wodziczke skaliła,
Aby szynkoreczka (nie loła do piwa x 2).
3. Nie loła do piwa, ani do gorzołki,
Coby ji nie piły (kóńczycki pachołki x 2).
4. Kóńczycki pachołki do karczmiczki chodzóm,
chodzóm tam przi muzyce (bijam sie i godzóm x 2).
 

1. Lecioł pies przes owies, suka miyndzy dymby,
Nie dowej dziołucho, syneczkowi gymby, oj dana! 
Ref: Oj dana…
2. Jakóż móm nie dować, kie mie pieknie prosi,
Miłuje, całuje, gorzołeczke nosi, oj dana!
Ref: Oj dana…
3. Lecioł pies przes owies, ogónym wywijo,
Pewnie nie żónaty, szczynśliwo bestyjko, oj dana!
Ref: Oj dana…
4. Lecioł pies przes owies, ogón mioł spuszczóny,
Pewnie był żónaty, abo szukoł żóny, oj dana!
Ref: Oj dana...
5. Lecioł pies ze zolyt, lecioł bez ogóna, 
Bo mu go ugryzła, jego narzeczóno, oj dana!
Ref: Oj dana...
6. Śpiywoł bych jo śpiywoł, ale ni móm nuty, 
Kabot sie mi stargoł, pies mi zeżroł buty, oj dana!
Ref: Oj dana...
 

1. Listeczku dymbowy, wpod żeś mi do wody
(Nie bydym sie wydowała x 2), aż bydóm jagody. 
2. Jak jagód nasbiyróm, to sie potym wydóm,
(Żeby mi mój nie wyczytoł x 2), 
że jo nic ni móm. 
3. Listeczku s osiki, wpod żeś mi do rzyki, 
(Nie bydym sie wydowała x 2), 
Aż bydóm orzechy.
4. Listeczku s jawora, wpod żeś mi do jeziora,
(Nie bydym sie wydowała x 2), 
Boch eszcze za młodo.
 

1. Leciała gynsiczka, leciała dziwoka, 
Ni mógła dolecieć (wpadła do potoka x 2).
2. Do potoka wpadła, wodziczke skaliła, 
Nie bydzie ji loła (szynkierka do piwa x 2).
3. Szynkierka do piwa, szynkierz do gorzołki, 
Nie bydóm pijane (kóńczycki pachołki x 2).

 

1. Ma miło dziyweczko nie chcym cie, służyłajś u ludzi ganióm cie,
Rano nie stowosz, krowóm nie dowosz, (ej kóndziołeczki nie przóndosz x 2).
2. Ej ty mój syneczku nie wiyrz ty, przidź ty jutro rano ujrzysz ty,
Jo rano stanym, krowy odbydym, (ej kóndziołeczke oprzyndym x 2 ).
3. A jo prziszoł rano, raniuśko, óna eszcze leży na łóżko,
Krowy ryczały, świnie kwiczały, (ej kóndziołeczka caluśko x 2).
 

1. Mamulinko, Tatulinku Jadóm do nas goście,
Czorne ławy, czorne stoły, umywać je kożcie.
2. Mamulinko, Tatulinku po cóż przijechali,
Córólinko, córólinko co by my cie dali.
3. Mamulinko, Tatulinku nie dejcie mie eszcze,
A choć sie wóm pokłaniajóm to się s tego cieszcie.
4. A jo pójdym do kumory, że to idym płakać,
A jo bydym po kumorze od radości skokać.
 

1. Miałach jo galanów jak na lipie kwiatu,
Teraz móm jednego nie godzi sie światu,
Wszak jo se ś nim rady dóm, polskim Żydóm go sprzedóm.
2. Ej wy polscy Żydzi sprzedóm wóm galana,
Za sztyry grajcary, za dwa dóm go rada,
Żebych jo roz wiedziała, żech galana sprzedała.
3. Przidym do karczmiczki, stanym se u proga, 
Mój miły tańcuje nie boji sie Boga, 
Kole mie sie ociyro, a inksze se pobiyro. 
4. Przidym do dómeczku, siednym na stołeczku, 
Chcym se uspokojić to moji serduszko, 
A ón przidzie i burzi, stóń ma miło, odewrz mi. 
5. Po cóżeś tu prziszoł ty szpatne stworzyni, 
Tyjś mie nie wytańczył, dojś żeś tam mioł inkszych, 
Wszak jo uż móm inkszego, galaneczka szwarnego.
 

1. Macieju, Macieju, kaj ty to idziesz – nie powiym ci wiysz,
A jak cie poproszym ładnie, to cie tako myśl napadnie, 
To ty mi powiysz – do miasta idym.
2. Macieju, Macieju ty mie s sobóm wejź – nie weznym ci wiysz,
Jak jo cie poproszym ładnie, to cie tako myśl napadnie,
To ty mie wejźniesz – a tóż poć. 
3. Macieju, Macieju, co ty tam niesiesz – nie powiym ci wiysz,
Jak jo cie poproszym ładnie, to cie tako myśl napadnie,
To ty mi powiysz – japka tam niesym. 
4. Macieju, Macieju ty mi jedno dosz – nie dóm ci wiysz,
Jak jo cie poproszym ładnie, to cie tako myśl napadnie,
To mi jedno dosz – to mosz. 
5. Macieju, Macieju ty mi gymby dosz – nie dóm ci wiysz,
Jak jo cie poproszym ładnie, to cie tako myśl napadnie,
Ty mi gymby dosz – a mosz.
 

1. Moja Mamuliczko straszyło mie w nocy,
Chodzili tu ku mie od sómsiada chłapcy,
Na okiynko pukajóm, spać mi w nocy nie dajóm.
2. Moja ty cereczko zaradzymy tymu,
Postawiymy łóżko jedno ku drugiymu,
Bydzie ci sie dobrze spać, nie bydzie cie straszować.
3. Moja Mamuliczko wy sie dobrze mocie,
Wy mocie Tatulka, wy se ś nim lygocie,
A jo muszym sama spać, s pierzinkóm sie obłapiać.
4. Ma złoto cereczko nie wydowej sie eszcze,
Ludzie powiadajóm, że za młode dziywcze,
Bydzie ciebie chłopek bjuł, bydzie s ciebie skóre drził.
5. Ma złoto Mamulko na jarmark chodzicie,
A s takich paniynek skóry nie widzicie,
A to bydzie dobro wiec, jak jo chłopa bydym mieć. 
 

1. Mamulko moja boli mie głowa, (odeszoł mie mój syneczek pociecha moja x 2). 
2. Nie doł mi płakać ani się smucić (obiecał mi za pół roczku do mie powrócić x 2).
3. Pół roczku przeszło, pismeczko prziszło (przeczytej se go moja miło, przeczytej se go x 2).
4. Óna czytała, bardzo płakała (Od samego frasuneczku aże zymdlała x 2). 
5. Mamulko moja sóm tu malyrze (Dejcie mi go wymalować, choć na papiórze x 2).
6. Óni malujóm jak różowy kwiat (Milszy mi był mój syneczek, jako cały świat x 2). 
 

1. Miałach jo galana godziniorza, co robił godziny dlo cysorza, 
(Ty godziny nie chciały ijś, miałach jo galana uż ni móm nic x 2). 
2. Zasiołach kapuste u chodnika, nie zeszła kapusta, ale wyka, 
(Jak je wyka niech sie myka, niech mi nie ciśnie do chodnika x 2). 
3. Miałach jo pieknego sokolika, a ón mi uleciał Doleska, 
(Do lesika zielónego, uż go tam nóndziecie zabitego x 2).
 

1. Miałach jo galanów jak na lipie kwiatu,
Teraz móm jednego nie godzi sie światu,
Wszak jo se ś nim rady dóm, polskim Żydóm go sprzedóm.
2. Ej wy polscy Żydzi sprzedóm wóm galana,
Za sztyry grajcary, za dwa dóm go rada,
Żebych jo roz wiedziała, żech galana sprzedała.
3. Przidym do karczmiczki, stanym se u proga, 
Mój miły tańcuje nie boji sie Boga, 
Kole mie sie ociyro, a inksze se pobiyro. 
4. Przidym do dómeczku, siednym na stołeczku, 
Chcym se uspokojić to moji serduszko, 
A ón przidzie i burzi, stóń ma miło, odewrz mi. 
5. Po cóżeś tu prziszoł ty szpatne stworzyni, 
Tyjś mie nie wytańczył, dojś żeś tam mioł inkszych, 
Wszak jo uż móm inkszego, galaneczka szwarnego.

1. Miałach jo wiónek na głowie, zebrali mi go panowie, 
Hopsa du lasa, hopsa du lasa, zebrali mi go panowie. 
2. Miałach jo złoty lańcuszek, na zebroł mi go (Franciszek) syneczek, 
Hopsa du lasa, hopsa du lasa, na zebroł mi go (Franciszek) syneczek. 
 

1. Mulorze, mulorze pieknie murujecie, 
(Po jednej cegiełce, po jednej cegiełce, do muru kładziecie 2).
2. Mulorze, mulorze, co potrzebujecie,
(czy wopna, czy gliny, czy ładnej dziewczyny, wszyjstko dostaniecie x 2).
3. My potrzebujymy i wopna i gliny, 
(Wszyjstkigo dobrego do dómu nowego i ładnej dziewczyny x 2).
 

1. (Musisz ty dziyweczko cosi na mie wiedzieć x 2), 
Że twe oczka czorne (oczka twe figlarne, nie chycóm na mnie patrzeć x 2.
2. (Cóż bych jo syneczku na ciebie widziała x 2), to jedno, co powiym, 
(Że cie w każdej dobie zapomnieć ni mogym x 2). 
3. (Zapómniałach ci jo Matke aji Ojca x 2), (ciebie nie zapómnym do samego kóńca x 2). 
4. (Zapómniałach ci jo całóm swóm rodzine x 2), ciebie nie zapómnym, 
(Ciebie nie zapómnym ani na godzine x 2). 
 

1. (Pewiyn rzymiyniorz mioł swego syna, kiery miłowoł cere ze młyna x 2). 
2. (Staro mynorka się dowiedziała, twojóm cereczke utopić chciała x 2). 
3. (Młody rzymiyniorz się to dowiedzioł, rosgniwoł sie ón, na wojne jechał x 2). 
4. (Staro mynorka pismo posłała, że jeja cereczka downo wydano x 2). 
5. (Młody rzemiyniorz pismo przeczytoł, roschorowoł sie za trzi dni umrzuł x 2). 
6. (Młodo młynorka się dowiedziała, szła pod obłoki tam się modliła x 2). 
7. (Choćbyjś ty tam był w piekle zawrzity, musisz ty tu być tej to minuty x 2). 
8. (Prziszło pół nocy słychać parskani, mego miłego kónika rżani x 2). 
9. (Stowej ma miło siadej na kónia, bojś mi nie dała w grobie pokoja x 2) 
10. (A wy rodzice biercie na przikład, nie zabraniejcie cereczki wydać x 2).
 

Miołech dziouche z Racimówa
ta niebyła nikdy dóma,
Miołech dziouche z Datynie
siadała mi na klinie!

Jednóm żech mioł ze Sedliszcza
dzierżała sie mie jak kliszcza
a ta dalszo z Poręby
nimiała żodne zymby

Jinszo była ze Szumbarku
tóm żech potkoł na jarmarku
potym dalszóm z Orlowej
była chybno na głowe

Jedna była też z Pietwołda
tóm sie zebroł Miczek Polda
a łostatnió z Szunowa,
ta je wcził po mie wdowa!

Insze słowa:

Jo je synek eszcze młody

Jo je synek eszcze młody,
nimóm fusów ani brody,
Dobre serce za to móm
kjerej panie jo go dóm?

Hladóm jo jóm po dziedzinie
pytóm wszystki gospodynie,
kjero jakóm cere mo
a czy mi jóm kjero do

Jedna mówi:Tyś je młody
nimosz fusów ani brody,
na żynini ty mosz czas,
co by byko kiedy z was

Drugo prawi:Tyś je młody
dy ci kipie mlyko z brody
po sercu sie podropej
a dziewuchóm pokój dej!

Trzecio prawi:Ty chcesz cere?
Co cie to też synku biere,
no co byś jóm jyny mioł,
abyś ji na gajdach groł?

Sztworto prawi:Lagramyncie!
Łod smiechu mie picho w piyncie,
dy ci jedzie z nosa szpik,
kdo ci taki głupstwo rzyk

Pięta prawi:Jeżyneczku,
kaj sie walisz, mój syneczku?
Mame dóma pomudlej,
se żyniczkóm pokój dej!

Cerek pięć to posłuchało
pięć jich za mnóm przyleciało
każdo chciała serce dać
a moje za swoje brać

Co mi z rzeczy gospodyni
wieczór czakóm s dziouchóm w siyni
aż tatowie pójdóm spać
bedymy sie milować 

 

Na dolinie Rosselo

 

Na skraju w zielónym lesie

 

 

Nasza kómornica

 

 

1. Od tego dwora cesta do pola,
(Powiydz mi ty nejmilejszo, czy bydziesz moja x 2).
2. Jo ci nie powiym, bo sama nie wiym,
(Bo jo młodo jak jagoda, robić nie umiym x 2).
3. W lesie stoji bicz, co uczy robić,
(A brzozowo mietełeczka se snu przebudzi x 2).
4. Eszcze ni mosz nic, uż sie stroisz bić,
(Zachowej mie Panie Boże, twojóm żónkóm być x 2).
 

1. Owczorze, owczorze, cojście owce pajśli,
Straciłach wióneczek, czyjście go nie naszli.
2. Od buczka do buczka listeczek drobniujśki,
Ożyń sie syneczku, pokiel żeś młodziuśki.
3. Bo jak bydziesz stary, nie bydóm cie chciały,
Bydóm ci powiadać grzebiyniorzu stary.
 

1. Ożyniułech się, nie radziułech się,
Wziónech se dziołuche, oszydziułech sie,
Fajnego rodu, drobnego chodu,
Nie chce mi nic robić, zdechnie od głodu.
 

1. Od Morawy dyszcz idzie, uż mój miły nie przidzie,
Choćby prziszoł ni może, przez ty cesty mój Boże. 
2. Nie jest że to prawda ta, żeby była cesta zła,
Ale ludzki jynzyki, pokaziły chodniki.
 

1. Od buczka do buczka, listek drobny, powiydz mi syneczku jeśliś dobry, 
Jeśliś dobry to przidź ku mie, dostaniesz gymbulki wieczór umie. 
2. Drzewa ci nie trzeba bydzie rómbać, bo ci go na plecach bydóm łómać, 
Poznosz, poznosz mojóm dobroć, popłaczesz dziołucho sobie nie ros. 
3. Wody ci nie trzeja bydzie nosić, bo ci sie bydzie aż w oczach toczyć, 
Poznosz, poznosz mojóm dobroć, popłaczesz dziołucho sobie nie ros. 
4. Potym możesz eszcze podziynkować, za coch cie nauczył dziecka chować, 
Dziecka chować, papke smażić, eszcze cie nauczym gospodarzić. 
 

1. Ojcowski dom to istny raj, dar Ojca niebieskiego, 
(Chociaż byś przeszedł cały świat, nie znajdziesz piękniejszego x 2). 
2. Tu się dziecino pierwszy raz do Matki uśmiechnęłaś, 
(Tu się uczyłaś Boga znać tu modlić się zaczęłaś x 2). 
3. Tutaj na każdym kroku cię oczy ojcowskie strzegły, 
(Tutaj w zabawach ciągłych ci, dni twoje młode biegły x 2). 
4. Teraz ci przyszło wynijść stąd, i odejść w świat daleki, 
(Ojcowski dom dziecino miej w pamięci swej na wieki x 2). 
5. Cnót i prawd wiary uczyć masz miłości Boga Twego, 
(Wytrwałość, siłę w tym ci da Duch Ojca niebieskiego x 2).
 

1. (Odpadła mi szabliczka od brannego kóniczka x 2), 
(Pódź ma miło mi jóm podać, bo jo muszym maszerować do szczerego poleczka x 2). 
2. (Óna mujóm podała, tak żałośnie płakała x 2), 
(Ach mój miły, cóż tu po mie, kie jo dóma, ty na wojnie, tak żałośnie płakała x 2). 
3. (Esi mie ty rada mosz, poprzedej ty, co ty mosz x 2)
(Poprzedej ty krowy, woły a wypłoć mi miło s wojny, to ty dobrze udziełosz x 2). 
4. (Jo krowiczek nie przedóm, bo kroniczki rada móm x 2), 
(Kroniczki mlyko dowajóm, wołki ziymke poorajóm, to ty dobrze o tym wiysz x 2). 
5. (Esi ty mie rada mosz, poprzedej ty, co ty mosz x 2), 
(Poprzedej ty winohrady, a wypłoć mie miło s wojny, to ty dobrze udziełosz x 2). 
6. (Jo wineczka nie przedóm, jo wineczko rada móm x 2), 
(Jo wineczko rada pijym, gorzołeczki nie wylejym, to ty dobrze o tym wiysz x 2).

 

1. S tamtej stróny wody, stoi chłapiec młody,
Żebych go dostała, pojściłabych strzody.
2. Pojściłabych strzody, pojściłabych pióntki,
Żebych go dostała na Zielóne Świóntki.
3. Czorne oczy miała, czornymi patrzała,
Czornymi musiała bo inkszych ni miała. 
4. Siwe oczka, siwe niebieski oczynta, 
Jak ros pokochajóm, miłojś w nich je świynto.
 

1. Siadej na wóz kochani moji, nie pómoże płakani twoji,
Nie pómoże miły Boże, bo uż kóniczki we wozie pozaprzóngane. 
2. Eszcze nie bydym na wóz siadała, boch eszcze Ojcu nie dziynkowała,
Dziynkujym ci Ojcze drogi, byłejś dlo mie dycki srogi, teraz nie bydziesz.
3. Siadej na wóz kochani moji, nie pómoże płakani twoji,
Nie pómoże miły Boże, bo uż kóniczki we wozie pozaprzóngane. 
4. Eszcze nie bydym na wóz siadała, boch eszcze Matce nie dziynkowała,
Dziynkujym Ci drogo Matko, wychowałajś żeś mie gładko, teraz nie bydziesz.
5. Siadej na wóz kochani moji, nie pómoże płakani twoji,
Nie pómoże miły Boże, bo uż kóniczki we wozie pozaprzóngane.
 

1. (Sikoreczka świyrgoli x 2),
(Stóń syneczku dziyń bioły x 2).
2. (Dyć bych jo uż dziołucho wstoł x 2),
(Jyny że mi Ciebie żol x 2).
3. (Cóż byś mie ty żałowoł x 2),
(Kiejś mi nic nie darowoł x 2).
 

1. Siwy gołómbeczku nie furgej nadymnóm, 
Bo się pogniywała kochaneczka sy mnóm,
Tra–la–la–la–la–la! Kochaneczka sy mnóm.
2. Jak sie pogniwała tak się zgodzić musi, 
Bo jak się nie zgodzi to zapłacić musi,
Tra–la–la–la–la–la! To zapłacic musi.
3. Rybiorze, rybiorze, dlo Boga miłego,
Czyjście nie widzieli kochaneczka mego,
Tra–la–la–la–la–la! Kochaneczka mego. 
4. Widzieli, widzieli, ale nieżywego,
Na postrzodku morza mieczym przebitego,
Tra–la–la–la–la–la! Mieczym przebitego. 
5. Kiedy ón sie przebił, przebijym sie i jo, 
Dómy sie pochować do groba jednego,
Tra–la–la–la–la–la! Do groba jednego. 
6. Do jednego groba, do jednej kaplicy,
Dómy wyrysować złotym na tablicy 
Tra–la–la–la–la–la! Złotym na tablicy. 
7. Leży tutej ciało, leżom tu i kojści,
Co poumiyrały od wielkij miłojści, 
Tra–la–la–la–la–la! Od wielkij miłojści. 
 

1. Słóneczko moi zachodź, za lasy i obłoki,
(Pujśćcie nas sprowco do dóm, bo nas uż bolóm nogi x 2).
2. Oj bo nas bolóm nogi, jak tego hanwandrusa, 
(Pujśćcie nas sprowco do dóm, oj bo nas boli dusza x 2).
3. Oj boli, boli dusza i boleć eszcze bydzie,
Aż pokiyl waszo krziwda, tu nas bywać bydzie x 2).
 

1. Społbych, społbych żónka mi nie do, 
Rónczki , nożki na mie pokłodo.
2. Dej mi pokój moja żóneczko,
Niech sie wyspi moji oczyczko.
 

1. Stoji u wody kawaler młody, powstań, powstań śliczno panno dej koniom wody.
2. Jakóż jo móm wstać, koniom wody dać, Kie jo boso zimno rosa, ni mogym obstoć.
3. Mosz dwie chusteczki, owiń nóżeczki, jak mi Pan Bóg dopomoże, kupiym strzewiczki. 
4. Nie kupuj ty mie, kup se sóm sobie, żyje Ojciec, żyje Matka, kupióm óni mie. 
 

1. Stoji, stoji leszczyna, pod leszczynóm dziewczyna,
Smutno nie wiesioło, jako była wczora. 
2. Jakóż ni móm smutno być, ni mo mie gdo pocieszyć,
Pociesz żysz się sama, s kim żejś w nocy spała.
3. Ej, spałach jo s Jasiynkiym, pod zielónym choinkiym,
Ej, spałach, jo spała, pod jedliczkóm sama.
 

1. Stoji, stoji jedliczka, pod jedliczkóm pszyniczka,
Zeżyna jóm Kasia, co poznała Jasia (Razem).
2. Jako żeś go poznała, kiejś go Jaśkiym nazwała (Męźczyźni)?
Kóniczka po rżaniu, Jaśka po gwizdaniu (Kobiety).
 

1. (Syneczku, syneczku, czyrwióny goździczku x 2) 
Rozkwitnółejś sie mi w tym moim serduszku.
2. (Rozkwitnółejś sie mi jako karafijoł x 2),
Wszyscy ludzie prawili, że mie bydziesz bjuł.
3. (Choćżech cie nie chciała, jednak cie dostałach x 2),
Wszyscy ludzie prawili żech cie czarowała.
4. (Nie czarowałach ci, ani moja maci x 2), 
Ale ci czarowały moji czorne oczy. 
5. (Czarowała ci ta jedwabno szateczka x 2), 
Coch ci jóm darowała ubogo dziyweczka. 
6. (Jak mi nie wyniesiesz, to mi jóm choć pokoż x 2), 
Bydym ludzie prawili, że sie wy mie kochosz. 
 

1. (Szoł Janiczek przes gróniczek, eszcze jedyn dziyń x 2),
(Napotkoł tam szwarnóm dziołuche (hej!), co plywiła lyn x 2).
2. (Boże pómóż ma dziyweczko, możesz mojóm być x 2),
(Jakóż bych jo twojóm była (hej!), nie umiym robić x 2).
3. (Je tam jedyn pacholiczek s nowego dwora x 2),
(Tyn cie nauczy roboty (hej!) dziewczyno moja x 2).
4. (A jo bych cie dziołucho nie chcioł, czorne nogi mosz x 2), 
Kobiety:
(Jo bych ci synku nie chciała (hej!), bo ty w karty grosz x 2).
5. A choć przegróm sto talarów to je niewiele x 2), 
(Twoja głowa nie czosano (hej!) sztyry niedziele x 2). 
6. (A cóż ciebie ty szubrawcu do moji głowy x 2),
(Osiodłej se swego kónia (hej!) pojedź do wdowy x 2). 
7. (Bo u wdowy chlyb gotowy, serce skaliste x 2), 
(A jo dziołucha choć chudobno (hej!) móm serce czyste x 2). 
 

Szpacyrpolka piekny taniec, gdo go umi tańcować,
Gdo nie umi szpacyrpolki niech sie idzie zaorać.
Tra–la–la–la…
 

1. Sztyry kónie we dworze, żodyn nimi nie orze, nie orze,
Żodyn nimi nie orze.
2. Orze nimi syneczek, czyrwióny jak gwoździczek, gwoździczek,
Czyrwióny jak gwoździczek. 
3. Jak zogónek uoroł, na swóm miłóm zawołoł, zawołoł,
Na swóm miłóm zawołoł. 
4. Ej ma miło póć ku mie, powiym jo ci, co mi je, co mi je,
Powiym jo ci, co mi je.
5. Ej boli mie głowiczka, pobiła mie Maciczka, Maciczka, 
Pobiła mie Maciczka. 
6. Pobiła mie skyrs ciebie, że jo chodzym ku tobie, ku tobie, 
Że jo chodzym ku tobie. 
 

1. Szumi jawor szumi i szumi osika,
Nigdy nie zaginie gorolsko muzyka,
(Gorolsko muzyka i gorolski grani,
Nigdy nie zaginie w Beskidach śpiywani x 2).
2. Jak zaszumióm smreki na wysokij skale,
To zaroz tańcujóm beskidzcy Gorole,
(Jak zaszumióm jedle na wysokij hali,
To jakby śpiywani Beskidzkich Goroli x 2).
3. Mało nóm, mało nóm do szczynścio potrzeba,
Byle była praca kónszczyczek chleba,
(Byle nasze góry i nasze doliny, 
Pełne były śpiywu i szwarnej dziewczyny x 2).
 

1. Pod borym na smokowce, pasła dziewczyna owce, 
Ref:
(Oj, duj, duj, duj, duj dana, pasła dziewczyna owce x 2).
2. Prziszoł ku ni Wołoszyn, owieczki ji rosproszył, 
Ref:
(Oj, duj, duj, duj, duj dana, owieczki ji rosproszył x 2).
3. Poczekaj Wołoszynie, aż mi owieczka zginie,
Ref:
(Oj, duj, duj, duj, duj dana, aż mi owieczka zginie x 2).
4. Nie zginie ci tu żodno, jyny malućko czorno 
Ref:
(Oj, duj, duj, duj, duj dana, jyny malućko czorno x 2).
 

1. Siadła pszczółka na jabłóni i zapyliła kwiat, 
(Czymu żejś mi moja miło zawiónzała tyn świat x 2).
2. Joch ci świata nie wiónzała, zawiónzoł ci go ksióndz,
(Joch cie jyny pokochała, tyjś mie nie musioł wziónść x 2).
3. Joch sie pieknie oblykała, pieknie nosiła sie, 
(A tyjś myśloł że jo piekno i to uwiódło cie x 2).
4. Murarczyku zamuruj mi moji czorne oczy,
(Coby inkszych nie chledały, we dnie ani w nocy x 2). 
 

1. Stoji w polu grusza, słodki gruszki rodzi, 
(Powiydz, powiydz moja miło, gdo ku tobie chodzi x 2). 
2. Nikt ku mie nie chodzi, i chodziuł nie bydzie, 
(Jyny tyn mój nejmilejszy, czasym przi mie siednie x 2). 
3. Mówiła ji Mama, nie chodź cerko sama, 
(Jak bydziesz sama chodziła, to bydziesz bawiła x2). 
4. Cerka nie słuchała, w nocy nie spowała, 
(Spotkała chłapca pieknego, jymu sie oddała x 2). 
5. Nie minół rok cały, jyny trzi kwartały, 
(U cereczki na łóźeczku, leży synek mały x 2). 
6. Matuś moja Matuś, naucz mie powijać,
(Móm teraz synka małego, los bydzie nóm sprzijać x 2). 
 

1. Skało, moja skało, czymujś nie pynkała, 
(Jak jo sie s kochankym rosłónczac musiała x 2). 
2. To moji serduszko, twardsze od kamiynia, 
(Uż nigdzi dlo niego ni ma pocieszynio x 2). 
3. Pójdym za inkszego, choć mie serce boli, 
(I Ojcu i Matce stanie sie po woli x 2).
4. I Ojcu i Matce, po woli sie stanie, 
(Jednak moji serce boleć nie przestanie x 2). 
5. Zapómnym na Ojców, na całóm rodzine, 
(Na ciebie syneczku, ani na godzine x 2).
 

Ref:
(Je nas kiela, sóm my stela, po naszymu śpiywómy, naszóm rzecz radzi mómy x 2).
1. Tam kaj Piotrówka dolinóm płynie, tam eszcze dzisio słychać na dziedzinie, 
Jak ponikierzy po naszymu mówióm, ślónskóm rzezc szanujóm. 
Ref:
(Je nas kiela, sóm my stela, po naszymu śpiywómy, naszóm rzecz radzi mómy x 2).
2. Gwara przetrwała przez telki wieki, mówmy nióm dali,niech sie uczóm wnuku, 
Niech wszyjscy młodzi ślónskij rzeczy przajóm, umieć nióm mówić za cosi se majóm. 
Ref:
(Je nas kiela, sóm my stela, po naszymu śpiywómy, naszóm rzecz radzi mómy x 2).

 

1. S góry jedź, s góry jedź, na dolinie hamuj, 
(Kie żejś mie nie chciała, teraz mie nie żałuj x 2). 
2. U grónia, u grónia, śniyżek polatuje, 
(Niech sie moji miłej, żodyn mnie raduje x 2). 
3. Marynko, Marynko, nie miłuj gorola, 
(Miłuj se panoczka, co mo czorne oczka x 2) 
4. Ni móm nic, ni móm nic, nic nie bydym miała, 
(Alech sie syneczku w tobie zakochała x 2). 
 

1. (Straciła sie pastyreczka w lesie x 2), 
((A gdo ji tam x 2) śniodani prziniesie x 2).
2. (Niesie go tam przeszwarny syneczek x 2), 
((Ale, że ón nie zno x 2) przes ty las chodniczek x 2). 
3. (Cały czorny las żech uż obeszeł x 2), 
((Niż żech cie jo x 2) pastyreczko naszoł x 2).

 

1. Świecie, świecie, świecie marny, odeszoł mie synek szwarny,
Odeszoł mie do świateczka, wzión mi klucze od serduszka. 
2. I mojigo i swojigo, poszoł do świata cudzego, 
Kozoł mi sie nie staracić, że ón się kiesi nawróci. 
3. Jo sie starała nie bydym, inkszego se chledać bydym,
Znóńdym sobie takowego, co mo klucze serca mego.
4. Co mo góry, co mo lasy, sztyry kónie, dwie kolasy,
I biczysko s paprociny, nie bydzie tyn bydzie inkszy.
 

1. Świyci mi miesiónczek, na rogu kościoła,
(Powiydz mi ma miło, moja roztomiło, czy ty bydziesz moja x 2).
2. Powiydz mi dziyweczko, powiydz mi na razie,
(Niech moi kóniczki, niech moi kóniczki nie stojóm na mrozie x 2).
3. Bo moi kóniczki talary kosztujóm,
(S drogigo żelaza, s drogigo żelaza podkóweczki kujóm x 2).
4. S drogigo żelaza i s drogi oceli,
(Nie bydziesz lygowoł, nie bydziesz lygowoł w tych moich pościeli x 2).
5. Bo moja pościelka, złotym wyszywano,
(A twoja koszulka, a twoja koszulka trzi roki nie prano x 2).
 

1. Świyć mi miesiónczku do naszej siyni, 
Czakej mie ty moja miło, aż do jesiyni ha, ha,
Czakej mie ty moja miło, aż do jesiyni. 
2. Cóż ty taki Pón, że cie czakać móm, 
Eszcze jo móm szwarniejszego, co go czakać móm ha, ha, 
Eszcze jo móm szwarniejszego, co go czakać móm.
3. Krziwe nogi mosz, szeroko stómposz,
A pod moim okiyneczkiym bogactwa chledosz ha, ha,
A pod moim okiyneczkiym bogactwa chledosz.
4. Bogactwa chledosz, a sóm go ni mosz,
Ty galaty, same łaty, jak chanderlok mosz ha, ha,
Ty galaty, same łaty, jak chanderlok mosz. 
5. Prawiłaś mi ros, że mi w jesiyń dosz,
I tyn wiónek s drobnej merty, co na głowie mosz ha, ha,
I tyn wiónek s drobnej merty, co na głowie mosz. 
6. Dóm jo ci go dóm, bojś mi je milszy, 
Alejś mi je nejmilejszy w kościele przi mszy ha, ha, 
Alejś mi je nejmilejszy w kościele przi mszy. 
 

1. Świynty Szczepón po kolyndzie rot chodziuł,
Hej, hej rot chodziuł, 
A Świynty Jón sie ku niymu narodziuł,
Hej, hej narodziuł. 
2. Matka Bosko sie też s nami witała, 
Hej, hej witała,
Bo tej naszej kolyndeczki nie znała,
Hej, hej nie znała.
 

1. Piyrwyj nóm przez jakijś czas gwary zakozali, 
Nie przesadzóm starych drzew, bo my sie nie dali. 
Teraz idzie sie uż czuć, jak u siebie dóma
Nas ratuje wspólny śpiew tak powiada Mama. 
Ref:
(Za naszych przodków na tej ziymi powstało to nasze godani, 
A co przeżyje eszcze wieki to ślónski grani i śpiywani x 2). 
2. Już jest znak, że ni ma źle, dziecka też śpiywajóm, 
Tata z Mamóm chycóm tón, dobry przikład dajóm, 
I to nie, że biyda je problymów do chróma, 
Nas ratuje wspólny śpiyw, tak powiado Mama. 
Ref:
(Za naszych przodków na tej ziymi powstało to nasze godani, 
A co przeżyje eszcze wieki to ślónski grani i śpiywani x 2).
3. Ślónsk istnieje setki lat i tradycje mómy, 
Do nas zaszczyt krzewić je, jak nie bydzie Mamy, 
Z tego Ślónzok dumny je w robocie i dóma…
Gdo się na tym lepij zno, jak nie nasza Mama. 
Ref:
(Za naszych przodków na tej ziymi powstało to nasze godani, 
A co przeżyje eszcze wieki to ślónski grani i śpiywani x 2).

 

1. Tak mi je, tak mi je, jak mie stary całuje,
(Jakby jo se kwaśne japko sjadła, 
Gołym zadkiym do ciyrnio usiadła,
Tak mi je, tak mi je x 2).
2. Tak mi je, tak mi je, jak mie młody całuje,
(Jakby jo se słodki japko sjadła, 
Gołym zadkiym do bawełny siadła,
Tak mi je, tak mi je x 2).
 

1. Tam na górze kwitnóm róże co jo poczónć móm,
Pokochałach swego chłapca, opujścić go móm,
Kiedy ku mie chodzywoł, miesiónczek mu świycowoł,
Po cichutku, pomalutku dwiyrze otwiyroł.
2. Pokochałach swego chłapca ze serca szczyrze, 
Lecz to nasze miłowani je nadarymne,
Nie chodź mi tu młodziyńcze, nie pozwolóm ojcowie, 
Nie chodź mi tu, mówiym prowde, nie kal me serce.
 

1. O tańcujmy, tańcujmy, tańcujmy,
Jyny pieca nie psujmy, nie psujmy,
Piec przido sie na zime, na zime,
Nie każdy mo pierzine, pierzine.
2. O tańcujmy, tańcujmy, tańcujmy,
A chłapcóm sie radujmy, radujmy,
Jyny na nich mrugnymy, mrugnymy,
Kopa ich mieć bydymy, bydymy.
3. O tańcujmy, tańcujmy, tańcujmy,
Szwarnych chłapców miłujmy, miłujmy,
Cóż lepszego na świecie, na świecie,
Jak tesknica weźnie cie, weźnie cie.
 

1. Tatuś szkopiec pobijali, 
Mamusia sie radowali,
(Jakże óni wiedzieli, że sie krowa ocieli x 2).
2. Krowiczka sie ocieliła, trzi cielóntka porzuciła,
(Jedno tak, drugi tak, a to trzeci na opak x 2).
3. Tańcowali trze Wałasze, jedyn młody drugi starszy,
(A tyn trzeci podrostek mioł galaty do kostek x 2). 
4. Wypił wina trzi wiertele, 
Tego eszcze je nie wiele,
(I gorzołki trzi wiadra, było tego do diabła x 2).
 

1. Teschno, mi je teschno, sama nie wiym po kim?
Po szwarnym syneczku, co je za potokiem. 
2. Co je za potokiem, co je za gorami,
Żodyn sie nie dowiy, co je miyndzy nami. 
3. Miyndzy nami je to, że sie radzi mómy,
Nic s naszej miłojści rosyńś sie muszymy. 
4. Na pruchyńskim polu, na kóńczyckij strónie,
Pasie tam syneczek sztyry branne kónie.
5. Pasie ich tam, pasie na zielónej łónce,
Jego nejmilejszo dziecióntko mu niesie. 
6. Niesie mu go niesie w czyrwiónym fartuszku,
Położyła mu go w masztami na łóżku. 
7. Dlo Boga żywego, nie czyńże mi tego,
Wejśże to dziecióntko, łóż to na inkszego.
 

1. To kóńczycki pole s rudnickim sie chodzi,
Powiydz mi ty ma Anulko, gdo ku tobie chodzi? 
2. Nie chodzi tu żodyn jak je Bóg nadymnóm,
Jyny jedyn szwarny synek co tańcuje sy mnóm. 
3. Poszła do ogrodu nasbiyrała gruszek,
Co spojrzała to płakała, że krótki fortuszek. 
4. Nie płacz ty ma miło nad krótkim fortuszkym,
Kupiym jo ci kolybeczke ze złotym lańcuszkiym. 
5. Choćbyjś mi ty kupiuł s dwiyma łańcuszkami,
Uż jo wiyncyj nie pobydym miyndzy paniynkami. 
6. Poszła do ogrodu trzi wieńce uwiła,
Jedyn sobie, drugi tobie, trzeci powiesiła. 
7. Powiesiła se go w siyni nad dwiyrzami 
Bo jak przidóm Mamuliczka oblejóm go lzami. 
8. Moja Mamuliczko nie oblywejcie go,
Bojście sie dojś napijali winka czyrwiónego. 
9. Winka napijali słówek nasłuchali,
Dyckijście sie Mamuliczko, dycki uśmiychali.
 

1. Ty kóńczycki pacholynta, (parade trzimajóm x 2),
W kapsach noszóm lańcuszeczki, zygarków ni majóm,
2. Idzie se ón do gospody (ramiónami szup, szup x 2),
Wszyjscy myślóm, że s parady,a to wszy go łupióm.
3. Przidzie se ón do gospody, stanie se jak lalka,
Nic go tez tak nie oszpeci, jak u gymby fajka.
4. Mo ón też ty zymbulinki (jak świnia dziwoko x 2), 
Jak chcioł dziołuche pocałować wydziuboł ji oko.
5. Mo ón też to kabocisko (pieknie wyszywane x 2),
A od spodku, aż do wyrchu szpagatym ścióngane.
6. Sznuptychelka s kapsy tyrczy (s kónska miecha była x 2),
Eszcze mu jóm szynkiereczka za to piwo wziyna. 
 

1. Ty kóńczycki pacholynta, parade trzimajóm, parade trzimajóm,
W kapsach noszóm lańcuszeczki, zegarków ni majóm.
2. Przidzie se ón do gospody, stanie se jak lalka, stanie se jak lalka,
Nic go też tak nie oszpeci, jak u gymby fajka.
3. Mo ón też to zymbulinki jak świnia dziwoko, jak świnia dziwoko,
Jak chcioł dziołuche pocałować wydziuboł ji oko.
4. Mo ón też to kabocisko pieknie wyszywane, pieknie wyszywane,
A od spodku, aż do wyrchu szpagatym scióngane.
 

1. Tyn kóńczycki mostek ugino sie, pod nim ciecze woda, roslywo sie, 
W tej wodzie rybki sóm, żodyn ich nie chyto malutki sóm.
2. Podej mi ma miło te latarnie, aż jo przez tyn mostek nie przepadnym,
Jak wpadnym smoczym kabot, bydziesz miała miło co pucować.
3. Cóżbych jo ci kabot pucowała, dyć jo eszcze ni ma twoja baba,
Jak twojóm babóm bydym, sto razy ci kabot wypucujym. 
 

1. Tyn nasz pachołek do pola jedzie, 
Gdóż mu, gdóż mu poganiać bydzie?
2. A za nim gazda do pola idzie, 
Gdóż mu, gdóż mu poganiać bydzie?
3. Jak objechali pole dokoła,
Słómała sie u płóga noga.
4. A kiedy gazda noge sprawowoł, 
To pachołek s dziywkóm nagrowoł.
5. Gaździno im sie oknym dziwała,
Nie grej dziołucho, byjś nie nagrała.
 

1. To kóńczycki pole s rudnickim sie schodzi, 
Powiydz mi ty moja lubo, gdo ku tobie chodzi. 
2. Nie chodzi tu żodyn, jak je Bóg nadymnóm, 
Jyny jedyn szwarny synek, co tańcuje sy mnóm. 
3. Poszła do ogroda, nasbiyrała gruszek, 
Co spojrzała to płakała, że krótki fortuszek. 
4. Nie smuć sie ma miło nad krótkim fortuszkym, 
Kupiym jo ci kolybeczke ze złotym łancuszkym. 
5. Choćbyjś ty mi kupiuł s dwóma lańcuszkami, 
Uż nie bydym wiyncyj stoła miyndzy paniynkami. 
 

1. Tata chlywek gotowali, Mama czypek przikryncali
Bo dobrze wiedzieli, że sie krowa ocieli. 
2. Ta krowa sie ocieliła i to ciele zadusiła, 
We chlywie, za źłobym, a jo za to ni mogym. 
3. Kołomajki mik, mik, mik, ożyniuł sie sukiynnik, 
Co se biere za żóne pawerowóm Maryne. 
 

1. Staro chałupina ku ziymi sie chyli, i spómino czasy, jak my pieknie żyli, 
(Uż umrzili starzik i zemrziła starka, ze starzikiym w trówle lygła staro fajka x 2). 
2. Dziecka sie do świata kansi wykludziły, dostanej chałupy nigdy nie wróciły , 
(Ponoć sie tam kansi w mieście dobrze majóm, na staróm chałupe uż się nie dziwajóm x 2). 
3. Staro chałupina ku ziymi sie chyli, płacze bo my wszyjscy o ni zapomnieli, 
(Płaczóm małe okna w starej chałupince, bo każdy z daleka jyny jóm ominie x 2). 
 

1. Teraz ty Haniczko, teraz płacz, nie chciałajś Mamulki posłuchać, 
(Wolałaś czepieczek bielóny, jako swój wióneczek zielóny x 2). 
2. Teraz ty Haniczko, teraz płacz, nie chciałajś Mamulki posłuchać, 
(Wolałajś Janiczka s fusami, jako swój wióneczek s różami x 2). 
 

1. Ty gorolu bryński, ukrod zejś mi ryński, 
(Jo cie bydym żałować, a ty mi go musisz dać x 2). 
2. Ty gorolu s Wiseł, po co żejś tu prziszoł
Tak za darmo tańcować, musisz za to cosik dać x 2).

 

1. Trómbióm, trómbióm, bymbny bijóm, wojaczkowie maszerujóm, 
2. (Jo bych też chcioł maszyrować x 2), (Kie by mi gdo kónia siodłoł x 2). 
3. Starszo siostra usłyszała, zaroz kónia osiodłała. 
4. A ta drugo szable dała, a ta trzecio zapłakała. 
5. Nie płaczcie wy siostry drogi, przijadym jo za trzi roki.
6. Trzi roki uż przemijajóm, siostry brata wyglóndajóm. 
7. A ón leży w szczyrym polu, głowiczke mo na kamiyniu. 
8. A kóń jego wedle niego, grzebie nóżkóm, lutuje go.
9. Stowej bracie, Stowej, nie leż dowołejś mi siano, owies. 
10. Teraz nie dosz ani sieczki, stojym we krwi po kosteczki. 
11. Teraz nie dosz ani siana, stojym we krwi po kolana. 
12. Teraz nie dosz ani słómy, rosniesóm nas kruki, wróny.

 

1. U Dunaja, u Dunaja stoji branny kóń,
(Kolaseczka malowano osiodłany kóń x 2). 
2. Pod tym kóniym, pod tym kóniym strzybno podkowa,
(Powiydzże mi ma dziyweczko, czy bydziesz moja x 2).
3. A jo ciebie synku nie chcym, bo ty w karty grosz,
(A jo ciebie dziołucho ni chcym, czorne nogi mosz x 2).
4. A jo pójdym do Dunaja, umyjym nogi,
(A ty przegrosz sto talarów, bydziesz ubogi x 2).
5. Sto talarów, abo dwiesta to je niewiele,
(A tyś głowy nie czosała sztyry niedziele x 2).
6. A co tobie mój syneczku do moji głowy,
(Siadej sobie na kónika, i jedź do wdowy x 2).
7. A jak ty tu do nasz jedziesz każdy cie minie,
(A i pastyrz wedle cesty, co pasie świnie x 2).
8. A czyliż to nie sóm ludzie, co pasóm świnie,
(Co mo Pón Bóg zaobiecoł, to mie nie minie x 2). 
 

1. U mojigo okiyneczka wyrosła tam jabłóneczka, 
(Bómstrala lija x 2) wyrosła tam jabłóneczka.
2. Tak sie pieknie roswinyła i czyrwióno zakwitnyła. 
(Bómstrala lija x 2) i czyrwióno zakwitnyła.
3. Prziszoł ku mnie Jónek nocóm, prziszoł ku mie nie wiym po co?
(Bómstrala lija x 2), prziszoł ku mie nie wiym po co?
4. Prziszoł ku mie by mie sdradzić, by jóm s wiónka wyprowadzić,
(Bómstrala lija x 2), by jóm s wiónka wyprowadzić.
5. Mój Janiczku, moji złoto, nie chodźże ty ku mie po to,
(Bómstrala lija x 2), nie chodźże ty ku mie po to.
 

1. U mojigo sómsiada malowane okna 
((Nie chodź tam syneczku x 2), bo cie tam nie chcóm x 2)). 
2. A chocioż mie nie chcóm, to jo eszcze pójdym 
((Swojij kochaneczce x 2) podziynkować x 2)).
3. Dziynkujym ci kochanko, dziynkujym ci za to 
((Żejś mie nie puszczała x 2), przez całe lato x 2)). 
4. Przez calutki lato i przez całóm zime,
((Żejś mie nie puszczała x 2), pod swojóm pierzine x 2)).
 

1. U naszego Pana nalazła sie biyda, 
A posłoł jóm nasz Pan Tata na szpacyr do Żyda.
2. Ej, Żydzie, ej Żydzie, dej gorzołki biydzie,
Bo jak sie biyda opije to do dóm spać pujdzie.
3. Biyda sie opiła, do dóm nie wróciła, 
Poszła óna kole stawu, tam sie utopiła. 
4. Młynorz to uwidzioł, że sie woda trzepie,
Sakramyncko tako biyda wode mi wychlapie.
5. Ty młynorzów synku nie kochej sie ty wy mie,
Chcesz mieć dziołuche s tysióncami, nie nóndziesz ji u mie.
6. Joch chudobno dziołucha, móm fortuszek jedyn, 
Ty se chledej takóm frele, coby miała siedym.
 

1. U naszego Pana masztol malowana, 
(Stojóm tam kóniczki i pytajóm siana x 2).
2. Stóń syneczku s rana dej kóniczkóm siana, 
(Eszcze sie dojś wyspisz s dziewczyńczym do rana x 2). 
3. Rano trzeja stować kóniczki pucować, 
(Coby sie blyszczały jak pojadym orać x 2).
4. Orać, orać, orać, na fojtowe pole,
(Coby mie widziało pocieszyni moi x 2).
5. Pocieszyni moi dalekojś ody mie,
(Gdybyjś było bliży pocieszyłobyjś mie x 2). 
 

U powału wisi sadło, hej, hej kolynda,
Coby srobić żeby spadło, hej, hej, kolynda,
Coby my sie podzielili hej, hej kolynda,
A przi tym sie nie pobili.
 

1. U sómsiada kalynica spadła,
(Sóm tam szumni parobcy obadwa x 2).
2. Szumni, szumni ni mógli sie zgodzić,
(Musioł jedyn na zolyty chodzić x 2).
3. Chodziuł, chodziuł cały malowany,
(I podpiyroł u sómsiada ściany x 2).
4. U sómsiada zielóno grobelka,
Przechodzi sie nadobno kochanka x 2).
5. Kochaneczku, nie bier se mie zaros,
(Bo se mie ty pod płotym nie nalos x 2).
6. Wzióneś se mie od Ojca i Matki,
(Brołejś sy mnóm wszelaki dostatki x 2).
7. Oj cóż żeś ty za dostatki miała,
jedna kura i półtora jaja x 2).
8. Miałach ci jo wszelaki dostatki,
(Gornek piyrzo i koszyczek rzepki x 2).
9. Miałach ci jo sztyry kónie w robocie,
(A jo sama w tym to aksamicie x 2).
10. Miałach ci jo dziesiyncioro bydła,
Sama Matula mi ci go prziwiódła x 2).
 

1. U studziynki siedziała, do wodziczki patrzała,
(Uwidziała tam rybeczke, co połykała wodziczke x 2).
2. Rybko, rybko rybeczko, powiydz mi ty słóweczko,
(Powiydz co tropi serce me, powiydz kaj mój kochanek je x 2).
3. Je ón w pieknej krainie, kocho inkszóm dziewczyne,
(Nie czakej dziołucho na niego, namów se synka inkszego x 2).
 

1. (Uż sie mi ławeczka na poły słómała x 2),
Co jo se s mym miłym na ni siadywała. 
2. (Ej moja ławeczko srojśnij sie mi eszcze x 2),
Moi pocieszyni, nawróć się mi eszcze. 
3. (Pocieszyni moi dalekojś ody mie x 2),
Gdybyjś było bliży pocieszyło byjś mie.
 

1. Uż sie nie lynkej grzyszny człowiecze,
Panna kóńczycko ciebie wspómoże,
(Bo sie nie darmo w kończyć sjawiła,
Jyny żeby nas w smutku cieszyła x 2).
 

1. Uż adwynta pomijajóm, a miynsopust nastaje, 
Ta Marysia mynża maje, co nóm kolynde daje. 
2. Pokoż sie nóm ty Marysiu, pokoż sie nóm ty szwarno, 
Powiymy to pytajóncym, żejś ty je bardzo drobno. 
3. Kury bydóm wajca niósły, możecie sypy kupić, 
A pierziny naasypać, póki Antka nie widać. 
4. (Bo ón przidzie i snienacka skoczy ku nij do łóżka x 2). 

 

1. Uwiónzoł kónisia w lesie u jawora, poszoł sie zalycać Hanusi do dwora. 
2. Jaworek sie poli, popiołek sie toczy, spodobały mi sie u Hanusi oczy. 
3. Piekny jaworeczek, piekno i sośnina, że w tobie się kochóm, oczu twych prziczyna.
 

1. U Cieszyna studnia murowano, (stoji tam dziyweczka x 2) upłakano.
2. Prziszoł ku ni Janek gwiżdże sobie, (ach moja dziyweczko x 2), co je tobie. 
3. Ach co by mi było mój syneczku, (boli mie głowiczka x 2) i serduszko. 
4. Oto studziyneczka to sie umyj! (oto mosz szateczke x 2), to się utrzij.
 

1. U Cieszyna piekno rola, jo ji orać nie bydym, 
Osiodłam se brannego kónika, a na wojne pojadym. 
2. Jo na wojne pojadym, s wojny spadki, tyjś eszcze nie wydano, 
Na kogo żejś moja nejmilejszo, na kogo żejś czakała. 
3. Czakałach se mój syneczku, czakałach se na ciebie, 
Że jak s wojny do chałupy powrócisz, że jo pójdym za ciebie.

 

1. W czornym lesie na pasiece, tam dziewczyna trowe siecze,
(Bomstral dinaj, dinaj x 2), tam dziewczyna trowe siecze.
2. Jak nasiykła nawiónzała, za siebie sie obejrzała,
(Bomstral dinaj, dinaj x 2), za siebie sie obejrzała. 
3. Uwidziała tam wojoka od regimynt kómyndanta,
(Bomstral dinaj, dinaj x 2), od regimynt kómyndanta.
4. Zaczón sie ji wypytować, kiedy sie bydzie wydować,
(Bomstral dinaj, dinaj x 2), kiedy sie bydzie wydować.
5. Jo wydowac sie nie bydym, na miłego czakać bydym,
(Bomstral dinaj, dinaj x 2), na miłego czakać bydym.
6. A twój miły sie ożyniuł, joch na jego wiesielu był,
(Bomstral dinaj, dinaj x 2), joch na jego wiesielu był.
7. Co mu zsyłosz ma Andulko, różo moja nejśliczniejszo,
(Bomstral dinaj, dinaj x 2), różo moja nejśliczniejszo.
8. Jo mu zsyłóm tela szczynścio, wiela na tym drzewie liścio,
(Bomstral dinaj, dinaj x 2), wiela na tym drzewie liścio.
9. Jo mu zsyłóm tela sławy, wiela na tej łónce trowy,
(Bomstral dinaj, dinaj x 2), wiela na tej łónce trowy. 
10. Jo mu zsyłóm tela dzieci, wiela na tej łónce kwiecio,
(Bomstral dinaj, dinaj x 2), wiela na tej łónce kwiecio.
11. Obróciuł sie i utrzuł się, złoty pierściyń zabłysnół sie,
(Bomstral dinaj, dinaj x 2), złoty pierściyń zabłysnół sie.
12. Pódź ma miło przez ty lasy, je tam kościół słónczmy sie,
(Bomstral dinaj, dinaj x 2), je tam kościół słónczmy sie.
 

1. W czornym lesie na potoce kukulinka tam rzegoce 
(Kukuku, kukuku, kukulinka na buku x 2).
2. Na buku se posiedziała i na drugi przeleciała,
(Kukuku, kukuku, kukulinka na buku x 2).
 

1. W pyndziałek robić nie bydym, we wtorek na jarmark pójdym,
(We strzody s jarmarku, a we czwortek ze swóm miłóm do szynku x 2).
2. Jo pieknie panoczka prosiuł, kapelusz pod pażóm nosiuł,
(Coby mi odpuściuł, czego jo sie wczora wieczór dopuściuł x 2).
3. Panoczek odpuścić nie chce, że ón też miłowoł dziewcze, 
(Panoczku odpujście, wszak wyjście też miłowali Haniczko x 2).
 

1. W tej naszej zogródce, różyczka czyrwióno,
(Targo jóm tam, targo Andulka rosmiło x 2).
2. Prziszoł k ni Janiczek se smutnóm nowinóm,
(Zaczón sie lutowac, bo mo narukować x 2).
3. Miło Andulinka, jak to usłyszała,
(Przed swojim Janiczkiym żałośnie płakała x 2).
4. Nie płacz Andulinko, różyczko czyrwióno,
(Dwa roki przeminóm, a ty bydziesz mojóm x 2).
 

1. (W zielónym gaju liści spadajóm,
Liści spadajóm pod jaworym x 2).
Ref:
W zielónym gaju liści spadajóm
Liści spadajóm pod jaworym.
2. (O ty Ksiynżycu i wy gwiozdeczki,
Cojście widziały w tóm ciymnóm noc x 2).
Ref:
W zielónym gaju liści spadajóm
Liści spadajóm pod jaworym.
3. Usta sie śmiejóm a oczy płaczóm,
Że cie mój miły nie zobaczóm x 2).
Ref:
W zielónym gaju liści spadajóm
Liści spadajóm pod jaworym.
 

1. Wczora była niedzieliczka dzisio smutny dziyń,
Rosbolała mie głowiczka na cały tydziyń,
(Głowiczka mie rosbolała oczkach sobie wypłakała
Mamulko moja x 2).
2. Czymujście mie Mamuliczko tak wczas wydali,
Kiedyście mie gospodarzić nie nauczyli,
(Teraz trzeja gospodarzić, chleba napiyc, 
Jejś nawarzić, a jo nie umiym x 2).
3. Dalijście mi sztyry krowy i pore świni, 
Dalijście mi kyns oraczki i pore kóni,
(Ón mi to wszyjstko przepije, przidzie do dóm to mie bije,
Mamulko moja x 2).
4. A jak wy tukej przidziecie Mamulko moja,
To ón pieknie mie nazywo żóneczko moja,
(A jak wy uż odyndziecie wszyjstki kónty mnóm wymiecie,
Mamulko moja x 2).
 

1. Wczora niedziela była, a jo dóma nie była, 
Tańcowałach s fórym matka prziszła s kijym,
Tako niedziela (wieczerza) była.
2. Wczora niedziela była a jo dóma nie była,
Tańcowałach s wojokiym mama prziszła, 
S mielokiym tako niedziela była.
 

1. (Wiwat, wiwat zaśpiywejmy x 2), 
(Gospodorzóm czejść oddejmy x 2).
2. (By tyn wieniec od nas wziyni x 2),
(Czym dobrym nas obdarzili x 2).
3. (Bo tyn wieniec same kwiaty x 2),
(Wert ón je same dukaty x 2).
4. (Dukatów mieć nie bydziecie x 2),
(Czym inkszym nas obdarzicie x 2).
5. (Gaździnka dadzóm kołocza x 2),
(To bydzie nasza zapłata x 2).
6. (Kieliszek nóm nie zaszkodzi x 2) 
(Bo sie po nim dobrze chodzi x 2).
 

1. Wyndrowali Turcy trze kraśni młodziyńcy, 
Wyndrowali lasym, lasym jaworowym. 
2. Napotkali drzewo, drzewo jaworowe, 
Piyrszy ción do niego, drzewo zasiniało. 
3. Drugi ción do niego, drzewo zakrwawiło,
Trzeci ción do niego, drzewo przemówiło.
4. Nie bijcie mie Turcy, wy straszni mordercy,
Skóndżeś się tu wziyna, Matka mie przeklyna.
5. Kaj twój Ojciec przidzie, żałować mie bydzie,
Kaj two Matka przidzie przeklinać mie bydzie.
 

1. Wysoko je góra, eszcze wiynkszo skała,
(Zapłoć mi mój miły, coch jo s tobóm spała x 2).
2. Oto ci wyliczym sztyrysta na stole,
(Weź se ich ma miło, to je wszyjstko twoji x 2). 
3. Wszyjstko to mój miły, wszyjstko to je mało,
(Bojś ty dojś używoł mojij łaski za rok x 2). 
4. A zajś jo ci przidóm, mój złoty pierściónek,
(Mosz uż to miło dojś za zielóny wiónek? x 2). 
5. Wszyjstko to mój miły, wszyjstko to je mało,
(Bojś ty dojś używoł, mojij łaski darmo x 2). 
6. A tak jo ci przidóm krowiczke s cielóntkiym,
(Przeca mosz miło dojś s tym małym dziecióntkiym x 2). 
7. Wszysjtko to mój miły, wszyjstko to je mało,
(Bojś ty dojś używoł mojij łaski darmo x 2). 
8. A tak jo ci przidóm i siebie samego,
(Przeca mosz miło dojś dlo Boga Żywego x 2). 
9. Tegoch jo mój miły, tegoch jo czakała,
(Żebych jo cie kiedy za mynża dostała x 2).
 

1. Wyszła chmureczka deszcz leje, 
Wyszła chmureczka deszcz leje deszcz leje,
Kaj jo sie biydno podziejym, podziejym, 
Kaj jo sie biydno podziejym. 
2. Pójdym do lasa do bora, do bora, 
Pod gałónzeczke jawora, jawora, 
Pod gałónzeczke jawora.
3. Cóżejś ty dziołucho robiła, 
Cóżejś ty dziołucho robiła, 
Żejś se ty wiónka nie wiła, nie wiła, 
Żejś se ty wiónka nie wiła. 
4. Na ławeczcech jo siedziała, 
Na ławeczcech jo siedziała, siedziała, 
Na ciebiech synku czakała, czakała, 
Na ciebiech synku czakała. 
 

1. Wyjeżdżej furmanku bo uż na cie czas
(Bo tam nie przejedziesz x 2), przes tyn gynsty las. 
2. Furmanek wyjechoł, s bicza wystrzeluł, 
(Aż tu rozbójnicy x 2) s lasa wylyźli.
3. Furmanku, furmanku kaj piniónżki mosz, 
(Abo życi połóż x 2), abo pinióndz dosz. 
4. Zbójowie, zbójowie, Boga sie bójcie, 
(Wóz i kónia biercie x 2), życi darujcie. 
 

1. (Wiym jo w Cieszynie jedyn dóm x 2), (tam jo galaneczke mojóm móm x 2).
2. (Rodzice mi jóm wzbraniajóm x 2), (a przes to, że ji nie znajóm x 2).
3. (Ale wszak jo jóm dobrze znóm x 2), (przes to, że ku ni chodzywóm x 2). 
4. (Mo óna łónki zielóne x 2), (pasie tam sarn, jelynie x 2). 
5. (Tam na tej drugi szyrokij x 2), (pasóm sie gynsi dziwoki x 2). 
6. (A na tej trzeci nic ni ma x 2), (jyny zogródka s kamiynio x 2). 
7. (Tam w tej zogródce jabłónka x 2), (sadziła jóm tu ma miło x 2). 
8. (Jak te jabłónke sadziła x 2), (te słowa do nij mówiła x 2). 
9. (Rojśnij jabłónko wysoce x 2), (prziniyjś do roka owoce x 2). 
10. (A jak szła za rok targaci x2), (ni mógła na nióm dostać x 2). 
11. (Turknij wietrziczku s Dunaja x 2), (spujś mi jabuszko, abo dwa x 2). 
12. (Schyń mi czyrwióne s biołymi x 2), (zaniesym jo to miłymu x 2). 
13. (Tam sie mu bydzie dobrze spać x 2), (bydzie mi za to dziynkować x 2). 
14. (Dziynkujym ci ma Haniczko x 2), (za to czyrwióne jabuszko x 2).
15. (Gdy na kojściołach zwónili x 2), (wszyjscy paniynki zwodzili x 2). 
16. (Wszyjstki paniynki we wiónku x 2), (Jyny ta moja w pierściónku x 2). 
 

1. W szczyrym polu gruszka stoji, do połu je zielóno, 
(Pod nióm stoji moja miło, wielce je zasmucóno x 2).
2. O cóż płaczesz i narzykosz moji miłe serduszko, 
(Weżnij se te biołóm szatke, a wytrzij se oczyczka 2). 
3. Na cóż bych jich wyciyrała, kie eszcze płakać bydym, 
(Choć bych eszcze sto lot żyła, jednak twojóm nie bydym x 2). 
 

1. W czornym lesie na pasiece, tam dziewczyna trowe siecze, 
Ref:
Ku, ku, ku, ku, ku, ku, w czornym lesie na pasiece przi buku. 
2. Jak nasiykła, nawiónzała, na Janiczka zawołała, 
Ref:
Ku, ku, ku, ku, ku, ku, w czornym lesie na pasiece przi buku. 
3. Mój Janiczku pódź mi dźwigać, mogym ci się kiedy przidać, 
Ref:
Ku, ku, ku, ku, ku, ku, w czornym lesie na pasiece przi buku. 
4. Pómogym ci trowe dźwigać, ale gymby musisz mi dać, 
Ref:
Ku, ku, ku, ku, ku, ku, w czornym lesie na pasiece przi buku.
5. Twej pómocy mi nie trzeba, pomoże mi Pón bóg nieba, 
Ref:
Ku, ku, ku, ku, ku, ku, w czornym lesie na pasiece przi buku. 
6. Wziyna trowe na ramióna, biygła jak sarna spłoszóno, 
Ref:
Ku, ku, ku, ku, ku, ku, w czornym lesie na pasiece przi buku.
7. A Janiczek zawstydzóny, stoł jak ciele nieruchómy, 
Ref:
Ku, ku, ku, ku, ku, ku, w czornym lesie na pasiece przi buku. 
8. Mój Janiczku pamiyntej se, chcesz całować nie pytej sie, 
Ref:
Ku, ku, ku, ku, ku, ku, w czornym lesie na pasiece przi buku. 
 

1. Witóm cie syneczku s dalekij krajiny, 
Nie bydziesz ty miywoł s moji cery żóny, 
(Ku moji cerziczce x 2 ), nie równyjś. 
2. A czy jo was prosił o taki witani, 
Dyć wy też ni mocie strzybła, złota dlo nij, 
A jo móm, a jo móm brannego kóniczka, szumny dóm. 
 

1. W niedzieliczkym do kościoła, w pyndziałek sie napić, 
We wtorek sie porachować, we strzodym zapłacić. 
2. We sztwortek sie kapkym przespać, w pióntek posprzechodzić, 
W sobotym sie Mamy spytać co bedymy robić. 
 

1. W polu lipka stoji piekno, zielyniućko, 
((A jo uż na świecie x 2), ni móm przocieliczka x 2)). 
2. Mamulka spióm w grobie, Tatulek wandrujóm, 
((Jo biydno sierota x 2)), po świecie sie tułóm x 2). 
3. Po świecie szyroko, po świecie daleko, 
((I ni mogym se nónść x 2), miłego żodnego x 2)).
4. (Śpiywej ptoszku w liściu x 2), 
((Bo jo uż siyrotka x 2), we wielkim nieszczynściu x 2). 
 

1. W jarzómbkowym lasku drobne zogóneczki, 
(Orze ich tam szwarny synek w koszuli bieluśki x 2). 
2. Jak na kóniec doszoł, czopeczka mu spadła
(Powiydz mi ty moja miło x 2) czymu żejś tak zbladła.
3. Zbladła jo syneczku, zbladła przez ciebie 
(Dycki żejś mi obiecowoł x 2), że mie weżniesz sobie. 
4. Poczkej ty dziyweczko aż na drugi lato, 
(Kupiym jo ci szatke biołóm, to bydziesz mieć za to x 2).
5. Choćbyjś mity kupiuł pieknie wyszywanóm, 
(To mie ty uwidzisz smutnóm x 2), dycki zapłakanóm. 
 

1. W szczyrym polu lipka stoji, je pieknie roswinióno, 
(Pod nióm stoji moja miło, je bardzo upłakano x 2). 
2. czymu płaczesz i narzykosz o wióneczek zielóny, 
(Jak pojadym do Krakowa, Kupiym jo ci złocóny x 2). 
3. Ni jak sie to rownać może, zielóny ze złocónym, 
(O jak sie to rownać może, niewinny ze zbłocónym x 2).
 

1. W tych naszych Kóńczycach cesteczka prosto, u sómsiada dziołucha mi sie podobo,
(Jo tam chodziuł rano, rano do śniodanio, pod jeji okno x 2). 
2. (Jak żech tam chodzywoł pies na mie szczekoł x 2), 
(Piesku tu mosz skórki, pujś mie do kómórki, do moji miłej x 2). 
3. Narobili ludzie moc na mie plotek, że jo móm na świecie siedym dziewczóntek, 
(Jo móm jyny jednóm i tóm se też weznym do chałupy moji x 2). 
4. Cały mój majóntek wiónek na głowie, suknia i żywotek, co móm na sobie, 
(Hoczki co sie świycóm, lańcuszki co brzynczóm, wiyncyj nie trzeba x 2). 
 

1. Wyleciała jaskulinka, a za nióm dudek, 
(Tańcowało dziywcze szwarne, a s nióm Jakubek x 2). 
2. Trzi razy sie obrócili, wyraził nogym,
Jowej, jowej, dziywcze szwarne, jo uż ni mogym x 2). 
3. A cóż że ty? Pościel łoże w nowej kumorze, 
(A sama se ku mie legnij, to mi pumoże x 2). 
4. Posłać ci sie nie wypiyróm, leżeć nie pójdym, 
(Bo bych jo cie uraziła w balawóm nogym x 2). 
5. A jak było pół nocy, obróciuł nogóm, 
(Jowej, jowej jak to dobrze, spać s dziołuchóm młodóm x 2).

 

1. Za Cieszynym na kopieczku, w tej kamiynicy, tańcujóm tam sztyry panny, sztyrzo młodziyńcy. 
2. Jyny jedna paniyneczka nie tańcowała, bo swojigo milóńkigo, s wojny czakała. 
3. A ón jedzie, jedzie, jedzie na brannym kóniu, a od strzybła i od złota cały sie miyni. 
4. Odewrzcie wy Mamulko szeroko wrota, aby sobie nie otrzaskoł strzybła i złota.
5. O dejcie mu wy Mamulko, pod próg zogłowek, aby sobie nie otrzaskoł złotych podkówek.
 

1. Za Cieszynym słóńce wschodzi, oficyr kónia wywodzi,
Kóniczka, kóniczka brannego, siednij se syneczku na niego.
2. Ej siadać tam, jako siadać, gorszy bydzie opowiadać,
Jak jo ku swej miłej pojadym, jak jo ji wióneczek ukradnym.
3. Nie ukradniesz nie stanie się, mój wiónek nie uros w lesie,
A jo swój wióneczek rada móm, s takimi błoznami nie godóm.
4. Jak ty pójdziesz na sónd Boski, bydzie ci mój wiónek gorski,
Bydóm tobóm trzaskac pieróny, za tyn mój wióneczek zielóny.

 

1. (Za gorami je goiczek x 2), 
(Pod nim sie toczy, mo czarne oczy mój syneczek x 2).
2. (Czorne oczy, bioły kłobuk x 2),
(Ni mogym jo cie, mój szwarny chłapcze uż zapómnieć x 2).
3. (Bo zapómnieć, bardzo ciynżko x 2), 
(Kaj się obrócym, kaj sie obrócym je mi teschno x 2).
 

1. Zachodź że słóneczko, skoro mosz zachodzić,
(Bo nas nogi bolóm po tym polu chodzić x 2).
2. Rynce bolóm robić, nogi bolóm chodzić,
(Zachodź że słóneczko, skoro mosz zachodzić x 2).
3. Żebyjś ty słóneczko na wyrobku było,
(To byjś ty słóneczko pryndzyj zachodziło x 2).
4. Ale ty słóneczko nie wiysz co wyrobek,
(Bujosz se po niebie jak siwy gołómbek x 2).
5. Bo siwy gołómbek nie narobi szkody,
(Przileci na ziymie napije sie wody x 2).
 

1. Zalycoł sie młodziyniec paniynce, i chcioł sie s nióm ożynić,
Ojcowie nie brali, bracia zabraniali, kozali mu we świat ijść.
2. Gdy młodziyniec ze świata powróciuł, chcioł swóm miłóm odwiedzić,
(Stanół pod jej okno x 2), zaczyn mu serce bić.
3. Powiydzcie mi, drogo mamuliczko, a kaj cera wasza je?
Wczora minół tydziyń, jak óna umrziła, eszcze po ni pojściel je.
4. Powiydzcie mi moja drogo mamo, a kaj óna tam leży?
Trzeci grób od wieży, tam twa miło leży, sóm tam na nim trzi róże.
5. Jak młodziyniec na cmyntorz wstymoiwoł, brama sie otwiyrała,
Róże sie kłaniajóm, wiadomojś dowajóm, kaj leży jego miło.
 

1. Zaszło uż słóneczko za las malinowy, 
Straciłach jo wióneczek rozmaryjónowy.
2. Nie straciłach jo go nigdzi na ulicy,
Ale jo go straciła w kościele przi świycy.
3. Wołkorze, wołkorze cojście wołki pajśli,
Straciłach jo wióneczek, kaj żeście go naszli?
4. Nie naszli, nie naszli, ale my widzieli,
Jak płynół po wodzie z bandlami biołymi.
 

1. Zaśpiywali se roz chłapcy po dziedzinie roz, dwa trzi, (niejedna paniynka, niejedna paniynka 
s góry głowe dźwignie roz, dwa trzi, x 2). 
2. S góry głowe dźwignie, s okna sie podziwo roz, dwa trzi, (co to za syneczek, co to za syneczek 
po nocy sie tuło roz, dwa trzi, x 2).
3. Ej, tuło sie tuło i ni może trefić roz, dwa trzi, (bo mu jego miło, bo mu jego miło nie chciała 
odewrzić roz, dwa, trzi x 2).
4. Odewrz mi ma miło malowane dwiyrze roz, dwa, trzi, (aż jo sie podziwóm, aż jo się podziwóm 
gdo przi tobie leży roz, dwa, trzi x 2).
5. Nie leży tu żodyn leżym se tu sama roz, dwa trzi, (jako tyn miesiónczek, jako tyn miesiónczek 
miyndzy gwiozdeczkami roz, dwa, trzi x 2).
6. Gdybyjś ty tu prziszoł, jak miesiónczek zeszoł roz, dwa trzi, (byłabych ci dała byłabych ci 
dała do czopeczki wisiyn roz, dwa, trzi x 2).
 

1. Zaświyć mi miesiónczku na rogu kojścioła,
(Powiydz mi dziołucho, czy ty bydziesz moja x 2).
2. Ej, jo ci nie powiym ani nie opiszym,
(Bo jo sama nie wiym, czyja jo być muszym x 2). 
3. Abo tez królowo, abo cesarzowo,
(Abo tego synka, co jedzie s Krakowa x 2).
 

1. Zielónech zasioła, zielóne mi zeszło,
A kaj się obrócym wszyndzi mi je teschno, 
Wszyndzi mi je teschno.
2. To je miyndzy nami, że sie radzi mómy,
I w dowód miłojści, wiernie sie kochómy,
Wiernie sie kochómy. 
 

1. (Zachodzi słóneczko za gorami x 2),
(Uż mie w tych Kóńczycach x 2), nic nie cieszy.
2. (Jo sierota smutno, zasmucóno x 2),
(Od mego miłego x 2), opuszczóno.
 

1. Zahuczały gory, zahuczały lasy, 
Kaj sie mi podziały moji młode czasy. 
2. W zielónym goiku ptoszkowie śpiywajóm,
Uż mego Jasieńka na wojne wołajóm. 
3. Wołajóm, wołajóm kónik osiodłany, 
Kómóż mie zustawisz Jasiyńku kochany. 
4. Zustawiym cie tymu, kiery je na niebie, 
A za roczek za dwa powrócym do ciebie. 
5. A jak nie powrócym, listy bydym pisoł, 
Ty bydziesz płakała, jo nie bydym słyszoł. 
 

1. Zachodzi słóneczko, a prawie w połednie, o północy miesiónczek, 
A uż mi zarosnół i zarostać bydzie, ku mej miłej chodniczek. 
2. Zarostej chodniczku zielónóm trowiczkóm, bo jo uż tam nie pójdym, 
Niech tam chodzóm inksi, kierzi ji sóm milsi, ale jo uż nie pójdym. 
3. Uż słóneczko zaszło, a mie eszcze teschno, ni mogym jo zapómnieć, 
Czyjś mi czarowała, czyjś mi je tak miło, ni mogym jo zapómnieć. 
4. Nie czarowałach ci, ani moja Maci, ani moja Mamulka, 
Ale ci robiły a i czarowały moji czorne oczyczka.
 

1. Zagrejcie Gajdzićki s tej moji kozićki, (co się mi utopiła, jak wodziczkym pila x 2), 
Jaworowe hóśle zagrejcie mi słusznie, (aże mi moja miła na łożećku łuśnie x 2). 
2. W jaworowym mieście na kierchów mie niyście, (sztyry bećki gożołećki nady mnóm zawiyście x 2),
Ludzie pudóm s miasta bedóm sie pytali, (cojście to tu za pachołka w tym miejscu chowali x 2).
3. Pomalućku, po cichućku kole mego dómku, dala bych sie pomilować, ale ni móm kómu, 
Gospodarza ni w dóma, a pachołek w mieście, (a pagónić mały chłapiec, nie rozumi jeście.
 

1. Za gorami, za lasami je tam dziedzina rada by sie dziołucha wydać, mama ji nie do. 
2. Mamo, Mamo, Mamuliczko, cóż sie wóm też zdo, legniecie se do łóżeczka, dyckiście sóm dwo. 
3. A jo jedna, sama jedna, sama jedyna, obracóm się s boku na bok, żodnego ni ma . 
 

1. (Za lasym jodłowym x 2) jasne słóńce wschodzi,
(Powiydz że mi moja miło gdo ku tobie chodzi x 2). 
2. (Nie chodzi tu żodyn x 2), jak je Bóg nady mnóm 
(Jyny ty mój kochaneczku, co tańcujesz sy mnóm x 2).
3. (Nie stojisz ty o mie x 2), i o kónia mego, 
(Bo żejś mi go uwiónzała u żłobu próznego x 2).
4. (U żłobu próznego x 2), u gołej drabiny, 
(Zustóń Bogym kochaneczko, jo pójdym do inkszej x 2).
5. (Poszła do ogrodu x 2), i płakała skrycie, 
Odmówili, odmówili Jasiyńka siyrocie x 2). 
 

1. Zaszumiała zielóno dómbrowa, zaszumioł też goj, 
O cóż płaczesz nadobno dziyweczko, czy ci wiónka żol. 
2. Żol mi wiónka, strzybnego pierściónka, żol mi go je żol, 
czymu żejś go piyrwej nie żolała, gdych jo ci go broł.
3. Małóm byłach, mały rozum miałach, teraz mi go żol. 
 

1. Ze trzi tydnie przede źniwy, ożyniuł sie stary, siwy, 
Aha, mhm, stary siwy. 
2. Napytoł se żónke młodym, kiwał na nie siwóm brodóm, 
Aha, mhm, siwóm brodóm. 
3. Dej mi pusy żónko moja, bojś ty piekno, jak jagoda, 
Aha, mhm, jak jagoda.
4. A jakóż ci móm pusy dać, kie mie bydóm ty fusy źgać, 
Aha, mhm ty fusy źgać. 
5. Gornek wody uwarzymy, siwe fusy oparzymy, 
Aha, mhm oparzymy.
6. Gornek wody uwarzyli, siwe fusy oparzili, 
Aha, mhm oparzili.
 

Za stodołóm pod dachym, bum carara fik fik
stojum tam hanka s Jankym, bum carara fik fik

Miesiónczek sie uśmichoł, bum...
jak janek Hanke stiskoł, bum...

Janek sie utrził fusy, bum...
wcis Hance cztyry pusy. bum...

"Dzi, Janiczku, dzi dzi dzi, bum...
gospodorz nas uwidzi" bum...

"Nic sie nóm nimoże stać, bum...
gospodorz szoł downo spać!" bum...

Gospodorz ale niespoł, bum..
Janka s Hankóm usłyszoł, bum...

Do putnie wody nabroł, bum...
na poddaszi pospichoł, bum...

Jak mosz, Janku, taki hyc, bum..
móg byś mie tu wypolić, bum...

Luchnył na Janka wode, bum...
i już mu serce nie niegore, bum carara fik fik

 

Żegnoł gorol

1. Żegnoł gorol swóm Gorolke, idónc w świat daleki, 
(A óna mu przisiyngała, że kocho na wieki x 2).
2. Minół roczek, minół drugi, wrócił Jajś do sioła,
(Swojóm lubóm zaprowadził na ślub do kojścioła x 2).
 

1. Żodnymu sie nie dziwujym, jyny sama sobie,
Żech jo sie tak zakochała, mój Janiczku w tobie. 
2. Żech jo sie tak zakochała, a tyjś mie opujściuł,
Miałach jo serce wiesiołe, tyjś mi go zasmuciuł.
3. Nic mie teraz nie pocieszy, jyny twoja szczerojś,
Coby sie nóm nawróciła nasza piyrszo miłojś.
 

1. Żyniuł bych sie żyniuł (móm majóntek srogi x 3),
Móm stodołe pełnym pokrziw (osetu dwa brogi x 2) roz, dwa, trzi.
2. Na nolypie lygóm (płachtom sie przikrywóm x 3),
Co sie płachta ruszy (to sie spodziywóm x 2) roz, dwa, trzi.
3. Nie spodziywej sie mie (ty stare oślisko x 3),
A dyć jo tam poszła, (kaj mi było blisko x 2) roz, dwa, trzi.